相關文章：
搭香港快運遇前座小童跳不停 港男杯麵滾水倒瀉被燙傷 仲被對方全家辱罵
東張西望｜小童搭香港快運跳凳 累港男被滾水燙傷 家長揭另一版本真相
5歲小童搭飛機狂踢凳 遭前座乘客鬧喊
近日，有網民在Theads發文表示香港快運航空UO821航班上，當時一名5歲男童不斷踢向前座座位，前座乘客出言勸阻後，男童母親反擊護航：「好恐怖，歇斯底里嘅香港大媽，5歲仔係咁踢前邊，伸咗手去前邊。前面話兩句 即時崩潰，咆哮」，其上載的影片中見到，港媽激動表示：「你當我盲㗎？你當我盲㗎？知唔知道你咁樣鬧一句，小朋友喊曬，對5歲小朋友有幾大傷害？」，而前座乘客無奈表示：「得啦得啦，係啦係啦，你踢足全程，你話一句冇就係冇㗎啦，OK㗎啦」。
港媽要求前座乘客道歉：同佢say sorry啦咁！
此時，一把疑似男童父親的男人聲音表示：「如果你覺得有，你可以同機長反映。」前座乘客回應：「是但啦」而男童母親反擊：「同佢say sorry啦咁」而影片就此結束。而發文者就透露後續，指出在事發後的20分鐘，港媽的行為更是令人震驚：「佢攬住個小朋友話『無論如何，媽咪都會企喺你嗰邊』跟住啲眼淚浪下浪下，我笑到X街，心諗有啲咁嘅老母，個仔第日大個一定係孖寶 」
網民鬧爆家長行為：唔好帶個小朋友出街
事件在網上引發激烈討論，不少網民直指問題核心在於家長的教育方式。有網民批評，認為家長應該先管教好子女才帶出門：「唔鬧得就訓練好紀律先出街！上樑不正下樑歪」、「如果知道自己小朋友係唔被人話得嘅，而自己又唔識教嘅，見議唔好帶個小朋友出街」、「點解而家世界咁多人厭童，多得呢啲呀媽。」
更有網民分享類似經歷，質疑為何要將管教責任轉嫁他人：「上次返Hk後面個細路係咁踢我張凳加大叫 ，個老豆老母係完全無阻止，之後仲扯到我男朋友頭髮都無道歉，我哋廢事嘈所以無出聲。 無家教就咪生仔啦 重點係個老豆老母係香港人」、「個阿媽唔識教，咪唯有人哋幫佢教囉，個阿媽應該講返多謝至真」
部分網民提出實際建議，認為應該徵收小童乘機稅，讓家長肉痛才會認真管教。亦有人呼籲航空公司硬起來，將這類乘客列入黑名單，甚至控告他們擾亂航空安全。
在 Threads 查看
