食客投訴麥當勞全日早餐炒蛋得半塊
有港人於Facebook「香港茶餐廳及美食關注組」發帖指自己於麥當勞買了一份精選早晨套餐，但就投訴指套餐內的炒蛋只得半塊，少了二分一，同時更貼上友人的全日早餐照片作對比，從圖可見兩份炒蛋份量略有不同，事主該份炒蛋看上去並不完整，像是缺了一角般。
不少網民都有類似經驗
有網民都同意事主的意見，「啲蛋係少咗啲」，亦有人指食物的份量其實好視乎店舖員工的手勢，「真係好睇煮蛋個個員工，我今日買嘅蛋幾大」。另有不少人都留言指自己都曾有漏單或畀錯餐的經歷，「我尋日叫咗3份all day，一塊薯餅都冇畀我」 、「你唔去叫佢換過份？我都試過」、「 一打開咁少可以同麥當勞職員講，上次堂食我大薯條得半盒即刻返轉頭講『唔係咁過分丫』，然後即時打滿盒大薯條」。有人幽默地表示指有可能是廚師要試味，才咬了一口，「畀人食咗！！」；另有人笑指是「早晨半餐」。但亦有人不解為何事主不直接問麥當勞，而要拍照放上網。
