港人外賣鮑魚米線中伏 打開超傻眼 ！網民留言超爆笑：細過指甲！
於Facebook群組「香港茶餐廳及美食關注組」中，有港人分享自己買外賣的中伏經歷，日前於某餐廳買了一份米線外賣，落單時見到有加餸的選項，當中加鮑魚都只需$5 。 事主見到這麼划算便順手加餸，但回到家打開外賣時才驚訝發現鮑魚size超迷你，目測不足5cm，令他相當震驚：「係唔係可以投訴？而且仲要係黑邊」，令到網民爆笑！
網民：一口鮑好難得
帖子引來眾人關注，火速爆紅，引來過千人討論，更有網民恥笑鮑魚size細得過份，連指甲的大小都比不上：「精緻到一個點」、「仲細隻過隻指甲」、「一口鮑好難得」。 網民對於事主能一眼就見到鮑魚感到神奇，「咁你都搵到，好嘢」、「搵到咁細隻鮑魚俾你都算叻」、「好難搵架，想買都難，無價寶」。
當然亦有不少人就指責是事主想太多，正所謂「一分錢一分貨」，$5的鮑魚照理來說都不會很大隻，「5蚊嘅鮑魚唔係諗住有5蚊大畀你掛，不過都佩服餐廳搵到咁細嘅貨」、「5蚊抵食丫鮑魚喎，哈哈哈」、「用個腦諗下都知$5會比D咩飽你啦！加隻蛋都$10啦！」、「邊有咁大隻蛤乸隨街跳」。有人就為餐廳找藉口指：「本身好大，縮到咁細」。
