港媽搭港航39kg行李被罰6位數震驚機票唔包行李似廉航 1原因被網民嘲笑

唔少人都係喜歡去旅行減低旅行成本，在機票及酒店方面慳到盡，留下更多資金到當地「濕平」，不過在購買平價機票前，大家又是否睇清楚相關條款，了解自己這次飛行旅程的行李限額。原來有港媽在討論區發文求助，表示從北海道回香港時，以為香港航空的機票已經包含寄艙行李，豈料遭航空公司索取6位數的附加費，不過3原因圍爐取暖失敗，反被網民恥笑：「無知便無敵！」

香港航空旅行有港媽在討論區因為行李問題求助！ — 有港媽在討論區因為行李問題求助！（圖片來源：《我的家》劇照）

港媽飛機行李39kg被罰款6位數上網大吐苦水：而家香港航空唔包行李嘅咩？

近日就有網民以「行李費100,600日圓」為題在親子王國討論區發帖表示，經Trip.com購買從香港飛往北海道的機票，由於乘搭廉航樂桃航空，因此事主就加購額外的寄艙行李費用。回程就乘搭香港航空從北海道飛往香港，事主透露：「（香港航空）不是廉航以為包行李，去到櫃枱check-in要我畀100,600日圓（約5,293港元）寄倉行李39KG，我見不止我們無買，還有部份旅客情況一樣。我想知而家香港航空唔包行李嘅咩？」

香港航空旅行原來因為行李超重39kg而被罰款6位數日圓。 — 原來因為行李超重39kg而被罰款6位數日圓。（圖片來源：親子王國討論區截圖）

疫情後多間航空公司改政策採取行李額外收費計畫

帖文引起不少網民討論，不少人認為樓主大頭蝦未睇清楚就買機票，雖然香港航空不是廉航，不過疫情後已經修改相關政策，購買機票的同時，需要選購行李限額，另外亦有網民認為購買機票的同時，網站會彈出一個頁面讓乘客選擇適合自己的行李重量，因此網民紛紛留言表示：「香港航空分三種票價，冇行李、20kg 、30kg」、「買機票時有選項畀你揀買幾多kg行李，你唔睇清楚，今次當交學費囉。」、「疫情過後，航空公司營運方法已經改變咗好多，買機票真係要小心睇晒所有條款」、「如果包行李，買咗嘅機票會有寫，唔寫即係冇包啦，自己有責任去睇，就算包也要知包幾多kg行李」。因此有網民教路用EMS把行李寄回香港，這樣價錢可以便宜一半。

香港航空旅行如果經Trip.com買香港航空的機票，就會見到多個選擇，當中有分不包行李，以及包30kg的行李 — 如果經Trip.com買香港航空的機票，就會見到多個選擇，當中有分不包行李，以及包30kg的行李（圖片來源：Trip.com官網截圖）

香港航空旅行就算在香港航空官網購買，亦有一樣不同的行李限額，價錢不一。 — 就算在香港航空官網購買，亦有一樣不同的行李限額，價錢不一。（圖片來源：香港航空官網）

港媽遭網民鬧爆自私：無知便無敵

不過亦有網民認為就算航空公司免費包行李限額，都唔會包39kg的，行李，因此就有網民紛紛鬧爆事主：「無知便無敵」、「機票有寫包幾種行李㗎！唔係話唔係廉航就幾重都得」、「39kg 已經有成個少女咁重」、「就算機票包1件行李， 39kg都肯定超重，樓主完全冇諗過真係奇」、「除非佢係business class包40kg，其餘最多包20-30kg，Basic Economy Class係冇包行李」、「『以為』⋯⋯去旅行買機票都唔睇包唔包行李？自膠都衝出嚟」，亦有網民認為：「香港航空唔係廉航嚟嘅咩」。