香港都有提供大量免費水機
首先，不少網民認為地鐵站可以免費拎水並非深圳獨有，因為在香港不少地方都會提供免費水源：「港鐵都係唔需要錢，只要攞個樽去裝就得，要畀錢嗰隻通常係喺巴士站，由蒸餾水公司提供。」、「免費飲用水呢樣嘢，香港做得好好多，多個港鐵站、公園、體育館、球場、麥記、MX、大快活同埋大型商場都有免費飲水機斟水飲」。
香港鼓勵市民自備水樽
其次，網民認為現時香港提倡減少使用塑膠、注重環保議題，因此不少地方提供水機，都需要民眾自備水樽：「香港都有好多水機，係鼓勵自己帶樽去斟水」、「香港地鐵都有唔少免費水機，只係要自備水樽比較環保啲。」、「啲連水樽都唔想帶邊會支持環保，香港依家講緊走塑，佢就諗緊點樣製造更加多塑膠垃圾」。
反對用個人資料換樽裝水
網民發現深圳的免費水機需要用微信scan QRcode，不少人擔心資料被洩露，因此認為唔飲好過飲：「要睇廣告又要被賣資料」、「免費從來都係最貴」、「小心啲個人資料外洩！」、「香港唔同公園提供畀人嘅飲水器，連資料都唔使你畀就有過濾水你飲，咁咪好神聖？」、「小心得不償失」
水的來源唔清唔楚令人擔憂
其外，網民相當關心水的來源，畢竟一分錢一分貨，因此對於免費水抱有疑慮：「都唔知道啲水係咩來源，真係唔敢飲」、「用幾蚊買枝好啲嘅水啦！」
香港人鍾意貪小便意
網民認為香港人喜歡貪小便宜，一旦見到「免費」就非常開心：「好心你呢個『香港人』，返得去深圳玩都唔係窮得去邊啦，自己去買啦！留返枝水畀有需要嘅人拎啦，唔該你啦。」、「大陸有好多『愛心水』係畀真正有需要嘅人，而唔係好似你咁，係唔係都拎，真係影衰香港人啊！」、「港人都貪便宜的，有免費嘢就鬼咁開心」。