40蚊即享有按腳服務 港人貪平最後得不償失！
近日，有網民在Facebook群組「深圳大陸吃喝玩樂交流 （By Runhotel）」上發文，以「東門玩樂變羊鼓？！大家上去要留神。東門警世文」為題，當中他寫到深圳東門老街站A出口的八達商城有不少美甲及腳底按摩店，而「40蚊按腳」成功引起到樓主的目光，於是他與好友就進店光顧。
進入店內後，有兩位男師傅為他們服務，隨後表示事主與好友腳上有雞眼問題，雞眼一粒60蚊，事主和朋友都覺得價格還算合理，於是決定享受這項挑雞眼服務，整個過程很快就結束。付款時，師傅突然表示為事主清除了8顆雞眼，而他的朋友則有14顆雞眼，因此兩人分別需要支付580元（約627港元）和820元（約887港元），令二人非常驚訝，但只好無奈地支付共1400元（約1514港元）：「沒有料到腳底有這麼多的雞眼。但我認為自己也有錯，沒有詳情問清楚，但師傅亦沒有講清收費詳情，覺得有種被劏的感覺」。
網民：十幾年前已經係咁啦！要自保要下載呢個App！
為此網民表示：「佢話14粒雞眼你就信？報警啊，去醫院驗啊。每一次縱容都係對社會嘅危害」、「1至2粒已痛好唔舒服，乜嘢腳會有14粒，吹到咁」、「14粒雞眼，個腳板底咪成個蓮蓬咁」、「雞眼唔係會痛㗎咩?真係咁多雞眼仲行到路」、「不如話腳底有10萬粒雞眼，收40萬~」、「十幾年前已經係咁啦，佢哋係靠呢啲搵飯食」、「14粒雞眼可以入健力士」。此外，亦有網民教路，表示如果不太熟悉深圳，就一定要下載內地網民常用的「大眾點評」App：「如果唔熟路，無大眾點評一律唔去，東門劏客不是今天的事」。