有港人分享經歷,指日前食譚仔三哥時,遇正有雙非童不斷製造噪音,更未有脫鞋在凳上跪坐,煩躁滋擾之餘相當不衛生。事主深感難以接受,長文大呻該家長唔識教、好自私,引來眾多網民熱議。有網民認為「食得譚仔就預咗」,亦有網民反鬧事主反應過度,小朋友仲細,不應該戴有色眼鏡看待。

撰文:CY|圖片來源:Facebook群組「生仔要考牌系列」、《殺人犯》劇照、《家好月圓》劇照、《來生不做香港人》劇照

雙非童被港人嫌污糟冇家教 網民斥應該包容下:佢仲細啊!

近日有網民於Facebook群組「生仔要考牌系列」發文,指日前到譚仔三哥用餐,「有個細路女喺度間唔時就叫幾聲,佢把聲又尖又大聲,程度達到成間舖都聽到嗰種」,其後又留意到該女孩未有脫鞋、跪坐在凳上,「細路女個屁股痴喺張櫈度十分鐘都冇」,讓事主感到相當難忍,繼而上網狂鬧!

事主狂鬧細路女冇家教!(圖片來源:《來生不做香港人》劇照)
事主狂鬧細路女冇家教!(圖片來源:《來生不做香港人》劇照)

事主認為他人無家教,理論上不應該多嘴畀意見,但仍然忍不住大呻「頂你個X,唔係馴獸師就唔好帶隻禽獸出街啦,坐都唔識教。嗰隻咁嘅X人鞋底又唔係乾淨嘅,係X咁踩喺張櫈度真係勁自私囉」,並相當刻意地備註「個雙非家庭走X咗之後,店員係冇消毒張櫈嘅」,貌似另有所指!

再強調細路女「雙非家庭」的身分。(圖片來源:《來生不做香港人》劇照)
再強調細路女「雙非家庭」的身分。(圖片來源:《來生不做香港人》劇照)

事件引起網民熱烈討論。有網民認為事主形容的小孩行為的確討人厭,不過又話「去三哥、譚仔依類地方,你想遇到乜野層次嘅人?」,暗示「去得譚仔就預咗啦」,似乎覺得事主實在太過大驚小怪。

有留言認為去得食平民餐廳,好難要求有貴族級待遇,遇到隔離檯有細路仔嬉鬧都好正常。(圖片來源:Facebook群組「生仔要考牌系列」)
有留言認為去得食平民餐廳,好難要求有貴族級待遇,遇到隔離檯有細路仔嬉鬧都好正常。(圖片來源:Facebook群組「生仔要考牌系列」)

亦有網民覺得始終細路女年紀仲細,用尖叫表達情緒亦情有可原,「咁大反應mean過頭」。

有網民認為事主在網上長文公審大鬧,言辭激烈,似乎一樣咁無家教。(圖片來源:Facebook群組「生仔要考牌系列」)
有網民認為事主在網上長文公審大鬧,言辭激烈,似乎一樣咁無家教。(圖片來源:Facebook群組「生仔要考牌系列」)

有網民質疑事主如何得知對方「雙非」身分,亦舉例指SEN學童在外同樣難以控制情緒及行為,「咁可以點?唔通一世唔出街?出街就要預左俾人公審?」,斥責事主未夠包容,有戴有色眼鏡批判小孩之嫌。

有網民認為事主刻意提起「雙飛」引起話題。(圖片來源:Facebook群組「生仔要考牌系列」)
有網民認為事主刻意提起「雙飛」引起話題。(圖片來源:Facebook群組「生仔要考牌系列」)

有網民認為如果撞正SEN學童,應該多加包容。(圖片來源:Facebook群組「生仔要考牌系列」)
有網民認為如果撞正SEN學童,應該多加包容。(圖片來源:Facebook群組「生仔要考牌系列」)

有網民認為在疫情期間要注重衛生,脫鞋才是重點/(圖片來源:Facebook群組「生仔要考牌系列」)
有網民認為在疫情期間要注重衛生,脫鞋才是重點/(圖片來源:Facebook群組「生仔要考牌系列」)

內文全文

(圖片來源:Facebook群組「生仔要考牌系列」)
(圖片來源:Facebook群組「生仔要考牌系列」)

Tags :