奶奶拒跟樓主「懷孕飲食忌宜表」
有網民最近在親子王國討論區發文，指自己已懷有身孕約7個月，已經想盡辦法拒絕奶奶幫忙坐月，因為她一直都很怕奶奶煮的「特色菜」不合胃口。後來樓主指希望產後餵人奶，飲食需要按時進補，更印了一張懷孕飲食忌宜表給奶奶，但奶奶卻堅持不跟，認為自己當年懷孕時都是正常飲食，就算其他親戚懷孕也是如此，執意跟隨自己當年懷孕的飲食。
奶奶發脾氣拒做陪月 新抱暗爽：希望奶奶出錢請人
而樓主在懷孕期間，每星期和老公到奶奶家食飯時，都發現有涼瓜或蒸倉魚等餸菜，對此感到十分不滿，最近一次她更即場與老公一起離開，自此再也沒有回去食飯，最後與奶奶鬧翻。原本奶奶決定不會為她坐月、幫手照顧日常起居飲食，而樓主即時「暗爽」，並滿懷歡喜：「而家99（奶奶）話唔得閒幫我坐月，叫我請陪月，如果99（奶奶）出錢，真係無任歡迎啦！」
網民批樓主不尊重長輩：奶奶欠咗你咩？
就是因為樓主最後一句，想奶奶出錢請陪月一事，令網民一面倒狠批，留言指「懷孕食蒸倉魚有咩問題？涼瓜唔食得咪食其他，有咩好嬲？」。不少網民對於樓主「攞著數」的行為不齒， 反問樓主明明不喜歡奶奶，但自己坐月卻期望奶奶出錢，「好心你啦，個bb係你整出嚟嘅，你自己諗方法照顧bb啦，無錢請陪月咪自己每日24小時on call凑囉，奶奶欠咗你咩，老奉㗎」。
網民分享：孕婦飲食太清或會導致BB容易敏感
有網民認同奶奶所言，坐月時餵人奶不需要刻意按時進補，又分享自己餵人奶兩年的經驗，當時都沒有進補，坐月時有媽媽煲的家常湯水，之後自己太忙都沒有空煲湯飲。另外，也有網民指最近從免疫敏感科醫生得知，當懷孕時飲食戒得越清，嬰兒成為敏感體質的機會越大，因此無需跟足所謂的懷孕飲食忌宜表。
資料來源：親子王國討論區