港男引戰「港女著長裙配波鞋好onX?」被網民圍插
有港男在Facebook 群組「香港江湖日報之ON9限定 2.0」出 Post ，詢問一眾網民「覺唔覺得啲港女著長裙配波鞋好onX?」，針對港女的打扮作出引戰 Post。
一眾網民都瘋狂圍剿港男，直言「關你X事咩」、「著底褲又著多條褲咪仲onX」、「你著褲出街唔戇X？」、「覺得人哋著得onX果個先係真真正正既onX」
網民直言：呢啲叫港味
不少網民都力撐港女的打扮，直言「我覺得好靚」、「呢D叫港味。大陸人白襪皮鞋叫燦味。一眼睇得出」、「咁著先係香港人！」，亦有網民指出這樣著的好處是「行得勁快勁舒服」、「咁著勁方便！」，認為事主可能是「岩岩俾個長裙波鞋女飛起咗」，才出 Post 求安慰。
港男被揭穿厭女：成日開埋啲針對女人帖文
亦有網民發現事主「成日開埋啲Po針對女人」，事主每日都瘋狂出 Post 針對女性而引起話題「覺唔覺得啲港女成日著民族裙好onX?」、「覺唔覺得啲港女成日食法國菜好onX?」、「覺唔覺得啲港女成日食日本菜好onX?」、「覺唔覺得啲港女成日著旗袍好onX?」、「覺唔覺得啲港女成日著瑜伽褲好onX?」等等，被網民指出「樓主個個post 都係覺得港女，應該好大仇口」。
