酒店員工爆住客遺漏物品：情趣用品、滿一歲嘅BB

早前有酒店員工在Facebook群組「酒店Secret」，以「最誇張聽過啲客漏咗咩喺房？ 可唔可以執齊野先走」為題開Post討論，引起酒店同業瘋狂留言。

遺漏物品｜01 情趣用品

其中獵奇回應不在少數，有酒店員工爆料曾經見過房間有一大堆情趣用品，包括「一包全新嘅毛毛手扣、繩、皮鞭」，仲有「震震棒」，有部分全新包裝、拆都未拆，真係怕同客人講返會尷尬。

遺漏物品｜02 原味底褲

仲有酒店員工話見過有住客漏低女裝底褲。究竟有什麼值得驚奇？原來住客居然將底褲放在夾萬內，而且更未經清洗，原汁原味，實在好恐怖。

遺漏物品｜03 大量現金

有酒店職員表示就在房間中見到大量的現金，由6萬到10萬蚊等，最誇張更見到2百萬現金！

遺漏物品｜04 嬰兒

最獵奇莫過於，居然有住客遺漏嬰兒。試過有「爸爸媽媽推住架無BB嘅BB車走」，甚至有印度人試過「去到機場先發現唔見咗個仔」，真係相當誇張！

遺漏物品｜05 骨灰

其實漏低物品真係層出不窮。有住客漏低活生生的蛇及蜥蜴、魚缸，甚至神主牌和骨灰，真係相當大不敬！

亦有酒店員工詼諧粉飾悲劇，話試過見到有人「漏低咗個肉身，靈魂走咗，唔識返嚟攞，要call白車」，可謂去酒店最慘的遭遇。