畢業後輾轉會計、教育、普通文職 感慨「做邊行衰邊行」
言談之間了解到，樓主是一位嶺南大學畢業生，主修會計，畢業後任職核數師1年多，但因工作環境競爭大，並不合自己性格，擔心會出現心理問題，遂轉為半工讀幼兒教育高級文憑課程。
畢業後擔任教師2年，當時月入近2.5萬元，形容「幼教對小朋友其實幾開心，放鬆，做得番自己」。然而受新冠肺炎疫情影響，學校因「冇學生」而縮班殺校，令他不得不轉任文職。
看完樓主的經歷，也難怪他會感嘆自己「做邊行衰邊行」，辛辛苦苦、幾經波折之後月入依然僅得1.7萬元，不單單是學歷及收入不相稱，更為收入微薄養不起父母而自責，直言「死咗都對唔住祖宗」。
雖然，不少網友都認為1.7萬元月薪並不算小數目，加上近年經濟衰退，能夠有一份工作已經是十分幸運的事。不過，如果引用統計數據就會知道，現時本地男性月收入的入息中位數約為2.1萬元，較樓主的1.7萬元高出約4,000元。所以儘管網友不停勸說樓主要知足，他仍然堅持自己應該至少要有入息中位數的收入。
網民力勸改變想法
有網民表示：「自己都當自己廢物就幫你唔到，點解要用搵幾錢去界定一個人成功與否？搵到樣自己做得開心嘅野已經好夠。成日拎自己同身邊嘅人去比，當你成為到圈子入面最成功嗰個又點？出面有大把更大嘅圈，唔通個個有錢人都要同首富鬥搵得多錢先算成功咩？」
網民：改變自己永遠不算遲
另外，亦有網民分享自己的經歷：「我去到30歲先開始改變自己，唔再幻想自己發達，只係做好每一日嘅自己，做好眼前嘅事，努力啲打份牛工。我可能比較好彩，打牛工竟然打得唔錯，原來腳踏實地既生活都唔差，細個果陣以為傻仔先會腳踏實地，但原來好高騖遠搵捷徑先係浪費青春。腳踏實地幾年之後，我而家都叫有個美好家庭生活無憂，你而家先29，其實仲改變得到。」
