港媽在迪士尼要求搭枱被年輕人一句拒絕　網民熱議：好無禮貌

近日一名港媽在Facebook群組「我真係好鍾意迪士尼資訊分享群」中分享要求拒絕搭枱卻被拒絕的經歷，年輕人的回應更令到港媽驚訝！而網民對此持有不同意見！

港媽彗星餐廳食飯想搭枱被後生仔拒絕

當日港媽在迪士尼彗星餐廳中食晚餐，餐廳內大排長龍，人潮洶湧，於是港媽就上前問正在坐4人枱的2位年輕人可否搭枱，而2位年輕人指：「無人坐，不過我唔鍾意同人搭枱，所以你唔好坐落嚟」，港媽指是第一次被拒絕搭枱。

網民：拒絕搭枱無問題

網民認為拒絕搭枱無問題指：「唔想同陌生人同枱有咩問題？又無明文規定一定要撘枱」、「係年輕人回答方式有問題」、「理解唔鍾意搭枱，但可以講得好聽少少」、「疫情之後好多嘢都唔同咗，食嘢又近、傾偈又唔方便，人哋都係辛苦等位，直接表達我覺得無問題」等。

網民：無權唔畀人搭枱

有網民就認為年輕人沒有權選擇不搭枱：「其實你可以唔鍾意人搭枱，但你無權唔畀人搭枱，正如摩天輪，纜車，我都想一個人一個車箱」、「根本有啲地方就係預咗要撘枱」、「迪士尼無話話繁忙時間需要坐同一邊或搭枱，但唔係咁缺德呀話？咁個個人每人坐張4人台好無？」、「唔鍾意搭枱可以去酒店嗰邊食，快餐無安排坐位服務」、「咁巴閉包咗個餐廳佢」