打工仔｜幫上司買東西後不獲找數 網民：咁小家！
幫了同事買東西，怎樣才能婉轉又禮貌地問對方收返錢？最近，有網民在香港討論區發文分享了一件上司叫他幫忙買東西而沒有打算找數的一件事，並向網民求助應如何處理！
事主指出，有一天上司問他屋企是否鄰近某商店，叫事主幫忙買盒零食手信，事主只好答應。到了第二天，事主把買回來的零食帶回公司給上司，上司只講了一聲「唔該」就叫事主把零食放在枱面，隔了一天都沒有問事主多少錢，更沒有畀錢事主的打算。雖然只是幾十塊，但送給上司又覺得很蝕底，但又不知怎樣向上司開口。
打工仔｜3招收數不失禮 畀單據提醒最大方？
事主帖文一出就引起網民紛紛留言回應，總括而言有3招教事主，如何禮貌又不失禮地問上司收回錢。第一招，有網民教，如果有保存單據的話，可以直接把單據給予上司，並指「唔好意思，昨天忘記給你收據，你慢慢俾返錢我，唔急」，這一招以退為進，可以提醒上司自己未畀錢之餘，又可以顯示自己的大方，不會顯得很在乎那幾十塊。相信上司聽到這樣都會及早付錢！
第二招，網民建議可以問上司「你想轉帳定 Payme，轉數快都可以」，表面上買上司提供付款方式選擇，實際上是提醒他未付錢，提供意見的網民更指自己親身試過：「萬試萬靈！」
第三招，有網民就指，可以幫上司買東西之前就先叫上司付錢，可以現金不足為借口，先叫上司過數給自己，再幫上司買東西，以免買完過後他會走數！
不過另有網民認為不要說比較好，因為如果是有心的話，買完的時候就會問你幾多錢，既然沒有主動問你即使沒有俾錢的意思！如果突然問他，可能會令上司反感！