師奶被踢爆！超市正價貨換入特價盒
有網民表示同老婆、外父去超市買青提子，去到雪櫃前見到有個50幾歲嘅阿姐，同一個網民估計係佢阿媽嘅阿嬸（下稱A客同B客）。網民話見到呢兩個人鬼鬼鼠鼠，而佢同老婆就喺後面等咗2-3分鐘，目睹二人打開特價$18盒，換正價$25桃駁李。
網民老婆：「畀佢地拆完揀完先啦。」
A客隨即大聲話：「你哋想揀提子，我哋咪讓你哋先囉。」
網民：「你哋拆開遂粒揀咁就唔係果盒特價嘅嘢。」
網民表示同老婆、外父去超市買青提子，見到有個50幾歲嘅阿姐同佢阿媽鬼鬼鼠鼠。（圖片來源：Pexels@hobi-industri） 
網民目睹二人打開特價盒，換正價桃駁李。（圖片來源：Pexels@los-muertos-crew）
惡人先告狀！師奶客大聲話：畀人恰
網民表示A客同B客大聲話畀人恰，又話已經讓咗位畀佢哋揀提子。不過網民叫咗超市職員過嚟並表明事件，之後職員話唔可以咁樣換貨。A、B客就話：「咁咪唔買囉！」然後又再次話網民一行三人恰佢哋兩個。
之後有個七十幾歲嘅阿伯加把口埋黎，不過網民就話佢咩都唔知就唔好出聲，而阿伯行開兩步之後又話：「同女人嘈就唔啱！」
網民大讚樓主值得尊敬
事件喺Facebook分享後，唔少網民都大讚樓主行為值得尊敬，亦有話佢哋恃老賣老，行為同偷嘢無分別。
