冬天興起襪套潮流被指扮韓妹 港人：著完變到傷者咁
今年特別多女生愛穿襪套作為打扮之一，不少品牌也有推出各式各樣的款式，作為潮流指標。而日本、韓國的女星和KOL都有這種打扮，Blackpink Jennie拍MV時也有這個造型，在香港街頭上亦不難看到女生有類似打扮。
然而，近日有人把一張女生打扮的照片上傳到社交網站後引起熱議，事關其標題為「請問今期係興襪套定小腿套」，有人指相中女生的襪套「硬係奇奇怪怪」。曾經更有港男指「明明著完顯腳短，點解成日係街都見到人著，真係時尚災難，唔識欣賞」，忍不住講一句「Fashion嘅嘢我識條鐵咩」。
而網民看到照片後紛紛留言，指不單止相中人，平日看見都有種「好似貴婦狗俾個主人剪衰咗咁」、「我都望咗勁多眼」、「以為係假腳，機械腳」、「仲未知呢種襪係咩玩法」、「十足十羊仔腳」、「醜到似鳳爪，係飛毛腿先啱」、「到底係點樣會覺得靚，我諗唔明」、「好似高達腳，行唔到咁」、「其實真係好肉酸，通街都扮韓妹不自量力，真係以為好卡哇伊？」、「見到都令人作嘔」。
女生反駁：老土就認咗佢啦
女生的衣著打扮常受到討論，有女生指「啲人唔跟上潮流就只係識批評，老土咪認咗佢」、「其實點解要話人扮韓妹、扮㗎妹，見到覺得靚咪著，係你哋啲人成日先入為主」、「其實班仔除咗睇上半身，仲識啲咩」、「講呢番說話嘅人只係反映緊你有幾無知」。