活躍Threads化身另類旅遊KOL
蘇民峰師傅近年已較少出現在電視節目上，但他卻轉戰新興社交平台Threads，活躍程度絕對不輸一眾年輕人。他除了經常四出遊埠之外，亦熱衷於在網上分享自己飲飲食食的照片與生活點滴，被不少網民笑指成功轉型做「另類旅遊KOL」。
遊輪歎世界 狂曬一日三餐超奢華
日前，蘇師傅在Threads上分享了自己在奧地利乘坐遊輪的寫意相片。他更詳細列出自己在船上極度奢華的一日三餐：「晚上食6道菜嘅晚餐配6種唔同嘅酒。今日早餐就香蕉加咖啡。午餐食魚同埋豬肉、熱狗，同南瓜湯。跟住就去沖壺茶飲睇吓風景。」字裡行間都散發住識歎兼財氣的氣息。
驚現水桶級魚子醬 網民秒回帶《門徒》
不過，整篇帖文最吸睛的絕對是飯桌上的一大罐藍色包裝「CAVIAR」魚子醬鐵罐！這個原裝鐵罐體積極度龐大，猶如一個小水桶，看起來價值連城。震撼的視覺效果令網民第一時間聯想起《門徒》的「昆哥」，紛紛爆笑留言：「以為我食唔起啊」、「師傅，劉德華一人一罐都冇你嗰罐咁大罐」、「攞走個磅佢啊」。
真相超惹笑 網民抵死：藍罐曲奇嚟嘅！
正當大家驚歎師傅的驚人財力時，原來這個巨無霸魚子醬背後暗藏玄機！仔細一看，這個巨型鐵罐其實只是裝飾用途的「托盤」，真正食落肚的魚子醬只是擺在鐵罐頂部的一小碟。得知真相後網民留言更加抵死惹笑：「仲大罐過茄汁焗豆」、「藍罐曲奇嚟嘅」，亦有人大讚師傅個額頭「有李生相」，靠智慧獲取大富大貴。
