蔡瀾轟LG推卸責任 火力全開
前日（1月12日）「香港四大才子」之一、著名美食評論家蔡瀾於Facebook上載「蔡瀾的日記」中，，今次的日記就火力全開，炮轟韓國品牌LG推卸責任！蔡瀾一向十分欣賞力爭上遊的韓國人，由當今香港人人搶購韓國電動車、日本電器店出售韓國產品的種種事件都可以看出韓國人十分努力。他也在3年前於百老匯購入一部價值$29,980的LG電視，當時保養證明書上寫明保養期3年，至2023年10月。
不過就在最近，蔡瀾發現電視屏幕左上角有條黑色的直線，十分影響觀影體驗，便聯絡了LG維修部上門進行維修。維修人員上門檢查後，表示是液晶體流出，是底屏幕出現損毀引致。蔡瀾以為仍在保養期內可以免費維修時，豈料維修人員指此為人為所致，所以不受保養之列，拒絕修理電視，「修理就是整片屏幕換掉，費用是買新機的一半」。
蔡瀾大動肝火：LG為咗客人買新貨咁玩客？！
這句「人為所致」令他大動肝火，因為電視買回家後，2年多以來只有用遙控而已，其他地方碰也沒碰過，「人為所致」的解釋顯然是十分不合理。他更懷疑到：「LG為了要客人買新貨，所以那麽說？」同時他提到，家中的舊Sony電視，現在放在工人房內用了10幾年都無問題，為什麼全新LG電視卻是用了2年多就出現故障且問題多多？
網民超認同：LG自製公關災難！
蔡瀾的文章引來大批網民的熱議，網民一面倒讚同蔡瀾的言論，直指LG產品質素根本與垃圾無異：「這就是日本跟韓國的分別！」、「買過一部LG 3D Smart TV，天氣凍會開唔到機，要用風筒吹機後面的電路加熱先開到……問題係我住香港，十幾度就唔著喇！」、「LG電視係唔襟㗎，只可用兩三年。我對上一部Sony用咗8年，現在的Toshiba用了11年，仍然正常運作」、「笑死，維修佬你知唔知呢個老嘢係邊個？」、「其實呢個post嘅精髓就放咗喺最後一句，佢根本就係暗串韓國仔！」
同時也有網民笑言現時市面上的電器一到保養期就會死機：「都市傳說：現在所有電器，都藏有自我毀滅裝置，保養期一到，就會自動死機⋯⋯還有9個月，請好好享受。」
網民親身經歷：以後LG啲產品送給我都唔要啦！
另外亦有網民分享自己親身經歷：
早幾年買咗部LG手提電腦，用咗大半年壞壞地，去柴灣維修站修理，佢地竟然話啲零件已經停產！吓！買咗大半年，竟然話零件停產？！手提電腦啲零件唔係大同小異㗎咩？乜有專用零件嘅咩？部電腦攞番又唔係，唔攞又唔係。
第二次係手提電話，用咗一個月又壞咗，攞去銅鑼灣維修站，佢地又係話人為損壞，保養唔包，要換呢樣換果樣，計埋條數3,000幾，咪玩啦，部機我2,000幾岀，維修要3,000幾？？？？以後LG啲產品送給我都唔要啦。
