仔仔於診所大唱洗腦兒歌
日前有網民向Facebook專頁「診所低能奇觀」投稿，他表示當日因為時間尚早，診所的病人只有小貓三四隻，而故事的主角 — 港媽帶著仔仔進入診所登記並坐在櫈上等待叫名。 兩人坐好後，港媽就拿出手機遞向仔仔，仔仔就開始進入邊聽邊唱大熱洗腦兒歌《Baby Shark》的忘我境界，「baby殺…嘟嘟嘟嘟…」，令投稿人忍不住在內心吐槽到：「我嘟呀真係…電話播得大聲，小朋友擘大晒喉嚨咁款唱得更加大聲。病得咁精靈？返去將首歌Loop幾百次藥到病除啦應該～」
港男開聲投訴：呢到唔係卡啦ok呀！
就在Baby Shark播到尾聲，仔仔也唱出最後一句「It’s the end」，以為終於解脫的他萬萬沒想到，歌曲竟然再次由頭重新播放「baby殺…嘟嘟嘟嘟…」，令他極為無奈與崩潰！就在此時，另一位等待叫名的男子再也忍受不了，開聲投訴到：「呢到唔係卡啦ok呀！」
面對兒子被投訴，港媽亦不甘示弱，強悍地反駁到：「小朋友唱歌有分卡唔卡啦ok咩？你冇小朋友嘅？」先生指出仔仔的行為影響到其他同樣在等待叫名的病人，「嘈住我哋呀！」不過港媽不愧是無恥近乎神勇，繼續不聽勸告，更以「神邏輯」再次反駁到：「你冇份唱先會覺嘈囉！」
港男超絕一招反擊 成功擊退Baby Shark！
正當在一旁的投稿人暗自驚訝到港媽的邏輯時，他卻注意到那名與港媽爭執的先生眼光閃爍，再聯想到剛才爭論的內容，驚覺大事不妙，「你唔好呀！ 你唔好呀！」
「baby殺，嘟嘟嘟嘟嘟嘟嘟嘟嘟嘟嘟嘟嘟嘟嘟」先生都唱埋一份，不過人哋唱得幾個嘟，佢就嘟足全程……..
聽到唱到錯晒的《Baby Shark》，仔仔皺著眉頭向媽媽投訴：「佢唱錯晒呀……」但聞言的先生卻一於懶理，繼續依然故我地「嘟嘟嘟嘟嘟嘟嘟」……
就在此時，醫生也回到診所，先生忘我的「嘟嘟嘟嘟嘟嘟嘟」聲聲入醫生對耳。眼見如此世界奇觀的事情發生在自己診所內，醫生急急腳行入房，再靜靜雞在門邊問投稿人：「發生咩事呀？」他也無奈地回答到：「佢哋鬥緊嘈…」
仔仔見先生將洗腦兒歌《Baby Shark》唱到錯晒，終於將音樂暫停，不過唱得正歡的先生還「嘟嘟嘟嘟嘟嘟」多幾十秒，而港媽亦極為不忿地攬著皺晒眉頭的小朋友，用著充滿怒氣的眼神怒睥著先生。先生見到就問港媽：「覺嘈呀？一齊唱呀！」他的回覆亦令事主爆笑表示：「OK！你贏啦！」
網民：遇到癲人，要比佢更癲！
投稿引發大批網民熱烈討論，不少人都爆笑直言先生的反擊行為實在大快人心：「遇到癲人，要比佢更癲，先可以對付佢，千祈唔好講道理」、「用魔法打敗魔法」、「山頂嘅朋友，識唱嘅一齊唱啦」、「 贏到老母就係真正嘅勝利」、「只要放低尊嚴，就可以天下無敵」、「你諗住你唔尷尬就係人哋尷尬？Sorly，今次有真正的強者了」、「如果遇到小朋友係𨋢度跳，大家可以跳埋一份，保證佢哋一定驚過你！#唔好問我點解會知」。
