林日曦如廁途中被男fans要求合照 場面極尷尬
昨日（12日）林日曦於Facebook專頁更新「7問9答系列」，講述他在札幌旅居時的奇怪經歷。事緣前幾日他在大丸札幌店去洗手間如廁，人有三急正在站在尿兜前小便時，身後有位男仔拍拍他的肩膀並詢問到： 「係唔係腦細呀？」正在如廁的他被對方的行為嚇到，「啲尿縮返入尿道…」對方見他沒有回應，便再次詢問到：「係唔係林日曦呀？」林日曦便尷尬地回應：「er….係….. （啲尿再倒流返膀胱… ）」
該名男子見他正是林日曦，就想與他合照一張，問到：「可唔可以影相呀？」令本來仍在如廁的林日曦更為尷尬，無言以對！雙方沉默了幾秒，林日曦望一望自己後率先開口：「……….你想影邊到？」這一問再次讓2人陷入沉默……男子在此時終於想起2人身處的是洗手間，而且林日曦正在如廁，便表示：「solly solly（sorry sorry）你去埋先…」而經歷了一陣驚慌與尷尬的林日曦亦回覆到：「（因為啲尿已經好安全咁上返去個腎）唔緊要（拉好褲鏈）影咗先，出去影。」
腦細醒覺剛才無洗手就掂對方手機自拍
在合影完畢後，就在林日曦再次步入洗手間準備繼續如廁之際，他才發現剛才自己並未洗手就拿起了對方的手機自拍：「亦即係話…………我隻手……佢部電話……呢個post主要係提醒返呢位男仔，係時候抹一抹部電話……」後來他也表示：
擔心我嘅朋友，實在唔使怕。
我係潔癖仔嚟。
整污糟咗佢部電話
我當然非常唔好意思…
但我比你哋更加擔心佢部電話整污糟我隻手…
所以我有洗咗手先再去廁所
呢啲就係我哋潔癖仔所謂嘅「污糟人哋，乾淨自己」✌🏻✌🏻
網民：是「日㬢的味道」！
林日曦的帖文引起大批網民的爆笑，不少人都留言表示：「變咗jPhone」、「我從小便認識林日曦」、「有冇諗過嗰個男仔拍你膊頭嗰陣都係啱啱痾完而冇……」、「只要自己唔尷尬，尷尬嘅係其他人」、「可能佢見到呢個post之後，更加專登唔抹，晚晚拎出嚟聞」、「或者佢嘅目的已經達到，也許他正在親吻他的右手，姨母笑⋯⋯感嘆是『日㬢的味道』」。
8成港人知手機比馬桶骯髒 但未在洗手後同時消毒手機
根據ESDlife（生活易）的「家居及個人衛生意見調查」資料中顯示，逾6成受訪者會帶手機入廁所使用，但當中卻有59%受訪者坦言在洗手或消毒雙手後，不會同時消毒手機後才使用，行為等同於無洗手！同時近8成受訪者稱知道手機比馬桶骯髒，反映港人明知廁所滿佈細菌，卻仍然時刻機不離手將手機帶入廁所，但如廁洗手後卻忽略了同時消毒手機的重要性。
