$45買日本熊本柑 取貨時竟全數發霉發黑 店家曾稱：不接受投訴
事主於網上發文指，太太於網上以$45訂購來自日本的熊本柑，在取貨當日到店內自取。豈一到店，事主已發現一盒盒發霉變壞的生果放在地上，以為是將要棄置的貨物原來正是網上訂購的熊本柑。他指當時店員叫他自選一盒，但雪櫃內的熊本柑一半「皺晒皮」，一半「出晒水」，地上的已發霉變黑，事主即時要求退款，但店員指「寫明不退不換，有咩你打上客戶服務中心」，隨後又指送$30現金劵了事。事主拒絕與其爭論：「你一係俾我加錢買其他嘢啦，你呢啲嘢壞晒點食啊？唔驚食物中毒都驚肚屙啦？爛到咁，唔係覺得仲好甜好多汁呀？ $45就要人食垃圾？」，但店員依舊叫他有問題請找客戶服務聯絡。
事主隨後到店家Facebook反映，豈料得到的回應使他更為不滿，該帖文寫明「新客網上睇購買須知，不退不換，無逼你買。投訴產品熊本柑CS不會受理」。事件在網上曝光後，有網民指「平時一箱$120，賣$45咁平就預左爛啦」、「你唔貪小便宜咪無事」、「以為平嘢食好嘢呀？」，不過亦有大批網民反指「平預咗無咁靚但唔代表壞到發霉發黑都要硬食」、「搵人地就嚟扔嘅貨尾賣唔爛至奇」、「呢間黑店唔止一次」。
原來涉事生果店非首次被公審，近百網民留言表示曾經中伏，「全香港買唔到口罩嗰陣佢話可訂到外國口罩，點知最後係內地貨，退錢搞勁耐」、「我喺佢到買過榴槤，打開個殼入面唔係白色係全發黑，仲要係酸嘅！」、「買過蟹係臭嘅」、「我試過買士多啤梨又係發霉，係買回家即開已經發咗」。
