撰文：Yuen｜資料及圖片來源：facebook「生仔要考牌系列」、Wikipedia
男童在湖邊如廁 獲港媽大讚
根據帖文內容及相片，可見一名小男孩脫下褲子，疑似對著淡水湖湖邊如廁。而帖主揶揄：「估唔到船灣淡水湖亦都係大小二便嘅好地方。」當時旁邊的母親扶著小男孩，他還聽到母親大讚男童：「佢屙得好！」
網民反應兩極 網民：帶個樽有幾難？
帖文引起了不少網民討論，不少網民斥責小童母親，指她不衛生、欠公德心。 網民：「身教，搞到個細路以為隨地屙係啱。」「帶個樽有幾難？」「帶個密實袋或樽就好，我個仔8歲我都仲要帶嘔吐袋，父母問題。」「其實男孩子最易搞，拎個樽仔就已經可以畀佢哋vv。」另外，有網民節錄了「水務設施條例」，建議直接向水務署投訴。
向左滑動睇更多網民留言：
不過，網民反應也不是一面倒，有人指，小朋友忍尿能力沒大人強，並不能怪責他們。「不過，我有不少朋友的仔女坐車唔使去廁所，從來都係出街前會去定。」亦有網民留言質問：「留言嘅父母自己細個時（喺）出面搵唔到洗手間，點解決呢？」最後網民回擊：「大美篤（督）已經有很多公廁，郊外地方最多就是草叢，為何要屙落水塘？」「唔好成日講以前細個點點點來合理化冇質數（素）嘅行為。」
男童在湖邊如廁 可能違法
根據「水務設施條例」，任何人進入構成水務設施部分的水中或在其中浸洗或沖洗即屬違法，一經定罪，最高可被罰款5萬元和監禁2年。水務署已於集水區和水塘附近豎立警告牌或橫額，提醒市民不應在集水區戲水，污染食水水源。
