生日出外用餐,不少餐廳在情況許可下,都會為客人甜品寫上生日祝福或有蠟燭。有一位網友在Facebook專頁上投稿指,自己曾是餐廳職員,但因為一句生日祝福而被解僱。到底發現甚麼事呢?

一位女網友在Facebook專頁「西店Hi客之道 Hispitality Secret」上投稿指,自己曾是一間餐廳的職員,一日晚上遇上一家人訂枱吃飯,下單後那家人的媽媽走過來問:「想叫甜品。唔知可唔可以寫字?」但因為客人沒有在訂枱時通知,加上當晚客人實在太多,所以餐廳未能提供服務,所以事主回應指:「唔好意思,寫字要Book個時講埋」。

示意圖,不少餐廳在情況許可下,都會為客人甜品寫上生日祝福或有蠟燭。(圖片來源: Unsplash@Nick Fewings)
示意圖,不少餐廳在情況許可下,都會為客人甜品寫上生日祝福或有蠟燭。(圖片來源: Unsplash@Nick Fewings)

客人聽到事主回應指:「吓?之前都得㗎,點解今次唔得?寫幾隻字咋嘛」、「規矩係死嘅,人係生嘅,幫一次半次都得啦,咁我Book嗰時唔知呀嘛,今次做畀我啦」。因為餐廳「爆場」,所以事主堅持今次提供不到該項服務:「唔好意思,你都見間餐廳人都多,同埋入面比較忙,真係未必寫到畀你」。

在客人再三要求下,事主答應問一問廚房的工作人員。但真的實在太多客人,同事們的反應當然是「不寫」。最後客人在結帳時指會投訴事主,過了幾天事主就被解僱了。

(圖片來源:SBS電視劇《繼承者們》劇照)
劇照,非當事人。過了幾天事主就真的被解僱了。(圖片來源:SBS電視劇《繼承者們》劇照)

事主後來在某飲食平台上發現了疑似該客人的評論,指在餐廳吃了一頓不開心的生日飯,職員在餐廳沒有客人下,仍不提供「甜品寫上生日祝福」的服務。感到被誣衊的事主,認為客人根本沒有事先通知,所以十分生氣:「係就Book嗰時講埋啦,你個女/仔生日,都要人提」。

示意圖。(圖片來源:Unsplash@Storiès)
示意圖。(圖片來源:Unsplash@Storiès)

看完事主遭遇後,不少人都同情她表示:「呢啲公司唔做仲好」、「除左客西,你老闆都係西」。有很多人教精事主指,下次遇上同類事件,一定要找經理:「佢要寫咪問下囉,唔得就叫個經理出嚟同佢講囉」、「下次醒目,交畀經理處理啦,有咩事都未輪到你擔心,除非你係經理,經一事長一智」、「攞張落單紙寫畀佢」。

網民留言(圖片來源:FB@Hispitality)
網民留言(圖片來源:FB@Hispitality)

網民留言(圖片來源:FB@Hispitality)
網民留言教精事主應如何應對。(圖片來源:FB@Hispitality)

更有人教事主一句話解決:「唔好意思呀小姐,已經幫你問咗負責人,可以幫你寫,但係佢地太多單喺手,可能要等一個鐘…請問你仲等唔等?」

網民留言(圖片來源:FB@Hispitality)
網民留言支持事主(圖片來源:FB@Hispitality)

不過,有網民認為,事主被解僱一事未必簡單:「依家咁難請人都會咁樣炒人,似你阿頭搵借口辭你」、「真係唔知係事主本身能力有問題,定老闆好早前已經睇佢唔順眼,所以順勢炒人」。

網民留言(圖片來源:FB@Hispitality)
網民留言(圖片來源:FB@Hispitality)

圖片來源:FB@Hispitality、Unsplash@Storiès、:SBS電視劇《繼承者們》劇照、Unsplash@Nick Fewings