新冠肺炎Omicron近幾月肆虐香港,不少地區都被圍封強檢,令市民人心惶惶。有網民表示有位老伯因為擔心遭圍封強檢無法親自餵貓,所以自學上網到二手轉售網網購寵物自動餵食器。而原本覺得伯伯問東問西很煩的事主知道原因後,更作出一個暖心的舉動,令網民大讚「人間有愛」!
出售二手自動餵食器遇「麻煩」客人
日前有名網民在Instagram分享了一個出售二手自動餵食器的暖心故事,事主因為受疫情影響,所以萌生了轉售在家中塵封已久的二手自動餵食機,在放上二手轉售網不久後就有人對餵食器有興趣。事主表示:「佢都問咗幾多問題,途中亦都講下價,我後尾都開始嫌佢煩,為咗證明部機正常運作,仲拍咗條片比佢,而買家亦都決定嚟我哋屋企樓下自取。」而在交收前的半小時,事主收到買家的來電,他聽到對方的聲音是老人家的沙啞聲音。對方表示是第一次乘搭輕鐵,不太熟路,最後事主決定直接到車站與對方交收。
獨居伯伯擔心無人餵貓
當事主到達車站,見到買家一刻,方知對方是一名滿頭白髮、已上年紀的老伯伯。老伯伯隨即感謝事主願意遷就他,而事主也細心地為老伯伯餵食機的電掣及說明書,伯伯就問到:「難唔難用㗎?你知啦,近排日日都圍封,又強檢,我驚有咩事,冇人餵屋企隻貓。」
事主痛心伯伯遭遇
當刻事主感到非常痛心:「我個心好翳,伯伯學上網買個二手自動餵食器,山長水遠入元朗,就係為咗屋企嘅主子,佢問咁多嘅問題,係擔心自己唔識用。」更發現原來老伯伯講價只是因為資金真的有限:「電話plan爆曬都唔捨得upgrade,寧願將啲錢放起主子身上。」
最後事主打算將餵食機免費送給伯伯,但伯伯堅持要付錢購買。而事主也表示:「我唯一可以做嘅就只好WhatsApp同佢講,部機唔識用嘅時候,又或者真係圍封冇人照顧貓貓嘅時候話我知,我哋會盡量幫忙。」不少網民在得悉伯伯的遭遇後,更為伯伯送上貓咪飲水機與貓糧。
圖片來源:[email protected]授權圖片、Netflix《魷魚遊戲》截圖、TVB《愛回家之開心速遞》截圖、電影《爺爺與喵》劇照、unsplash@yerlinmatu、淘寶