爭鮮疫後愈開愈多舖 有一店每月生意額竟高達數百萬
好多香港人都喜歡吃日本菜，對壽司的熱情更是一直有增無減。即使現時已經通關，好多人都可以親身去日本食日本菜，但平價壽司爭鮮分店仍然愈開愈多，當中有一間外賣店更被譽為「天下第一大店」！爭鮮近年來積極發展，疫情下更連開30間外賣店，現時全港共有33間堂食店，以及74間外賣店。
原來爭鮮集團的「天下第一大店」位於西鐵天水圍站。由於西鐵天水圍站是整個區的主要交通樞紐，而且因為香港人一向都貪快、貪方便，因此區內的居民除了用西鐵出入九龍區之外，而且天水圍輕鐵站亦在附近，好多居民都是在西鐵站落車後，轉乘輕鐵回家，好多人會在此外賣壽司回家吃，集團推出香港獨有壽司款式，如蟹膏蝦壽司、花之戀壽司等。因此令天水圍站的每月生意額可高達數百萬！
知道天水圍店原來是爭鮮集團中的天下大店之後，不少網民都表示驚訝，更指薄利多銷的生意真係厲害，「窮人恩物」、「啲嘢唔貴都推到咁高營業額」、「做到幾百萬一個月係唔出奇」。亦有人表示爭鮮壽司雖然是平價，但質素都不差，「台灣企業來講，佢同八方雲集（質素）都算幾好。」
生意最差反而係旺角店！
不過，原來不是每個港鐵站都有高生意額，爭鮮集團曾在港鐵旺角東站開設外帶店，但生意就極差。因為旺角人流多但走動亦快，加上本身旺角有好多餐廳選擇，反而不多人停留買外賣。
當中亦有天水圍居民指，親身經過都知當區真是好好生意：「人口多，高密度」、「收工時間見著佢地冇停手」。亦有曾任職平價壽司的員工表示：「呢啲外賣壽司每日營業額係可以好高，我十幾年前做過屯門某間超市壽司檔，嗰陣禮拜六日係可以去到6、7萬一日，大時大節最高去到10萬都試過仲要呢間鋪啲出貨量係高過我哋嗰陣好多，永遠有人圍住個壽司櫃咁」
