日前有網民向Facebook專頁「公務員secrets」投稿一張相片，圖中有兩盒曲奇，其中一盒上貼著一張A4紙，紙上寫著：「不問自取偷食者，男陽痿，女不育，絕子絕孫落地獄，請勿以身試法！！」右下方更寫了下款，相信是物主為了宣示主權而留下的姓名，而投稿人則表示：「嘩呢位同事既怨氣好深下喎…..」並加上「偷食同事零食」的標籤。
投稿被上載到專頁後，不少網民表示該位同事「做多咗」：「要畀人偷過幾多次先積怨咁深」、「咁你嗱嗱聲擺返落保險箱啦！擺出嚟做咩」、「藍X曲奇咋嗰又唔係咩山珍海味，使唔使呀」、「鎖起佢囉」、「偷食嘅人cheap，寫呢堆字更cheap， 仲以為乜嘢貴重食物」、「放得係度就大家架啦，係自己就攞返走唔好霸住地方啦，唔係任你放㗎」。
但亦有網民表示能理解該位同事的做法：「有些人cheap爆，自己無買野，成日開雪柜，啱嘅就偷」、「連人奶都可以偷來飲，blue blue 曲奇俾人偷食有乜咁出奇」、「可能佢畀人攞得太多所以先至發脾氣啫」、「因為有啲人真係好cheap，我以前舊office聽過啲師兄姐講，飯盒都試過有人偷食」。
同時也有網民為事主提出解決辦法：「下次拎D過咗期幾年既零食返去益下班同事嘛，順便廢物利用」、「以前教過人用黑色marker 油上去牛奶盒既到期日，果真以後無人敢擅取」。
