戴綠帽 女友出軌 餐廳老闆｜一名港男在拍拖3周年前夕，發現女友出軌，卻沒有即場質問，反而忍足一日安排海邊向女友送「驚喜」。當女友以為浪漫一刻即將出現，眼前等候她的竟是男友手機內一連串證據。
港男疑似戴綠帽 查手機揭肉麻對話
男事主於11月4日晚上在社交平台Threads發文，稱早前為女友到銅鑼灣購買生日禮物，女友當時卻向第三者表達掛念。由於察覺女友近日表現有異，他趁對方熟睡時查看手機，發現兩人不但有肉麻對話，更曾私下見面及接送。面對熟睡中仍抱着自己的女友，他感到難以接受，但決定暫時按兵不動，再策劃一場對質。事主在帖文留言表達感受，指自己「真係冇諗過啲爛劇劇情會發生喺我身上」，又表示「睇完要全日扮唔知到最後攤牌中間情緒真係好複雜」。事主同時附上了涉事雙方的社交帳號截圖作為佐證。
港男大日子晒證據踢爆出軌 女友竟笑笑口
11月4日是與女友拍拖三周年的大日子，已知情的男事主做足準備「送大禮」，其後帶女友到海邊，先用手遮住她雙眼，營造送上驚喜的氣氛，女友更笑言「好臭呀你隻手」。
當男事主鬆手後，卻立即用手機展示懷疑出軌對話；女友起初仍笑笑口反問「我幾時出軌」，男方則冷靜回應：「你唔好扮啦，呢個係同邊個嘅對話？」他再逐一提及女友獲對方接送等出軌細節，以及早前女方生日時，男事主到銅鑼灣為她選購生日禮物，女方卻在此時向出軌對象表示「好掛住好想見到佢」，整段過程亦被拍下。
網民佩服男事主心臟強大：條片好靜，但每一句都震耳欲聾
片段曝光後，大批網民替男事主不值，討論焦點更落在他發現疑似出軌證據後，竟能保持冷靜並忍耐一日，紛紛鼓勵有人留言「樓主EQ咁高，下個一定會更好」，亦有人形容「條仔大心臟到」及「成條片好靜，但每一句都震耳欲聾」。
此外，更多人留言稱讚港男由始至終保持冷靜及溫柔，鼓勵他「師兄加油，EQ高到cls，踢爆都係咁溫柔嘅聲線講，respect」、「CLS師兄有d癲 想講你條片好X型 無發脾氣XX佢不特止 仲咁好語氣笑住慢慢講 雖然睇到好痛 不過忍唔住loop左幾次lol 真心respect 真男人」、「Bro 明白你嘅心情一定好難受 重要用最溫柔嘅語氣講出嚟」、「真係好勁，超冷靜」。不過，另有留言者直言「笑唔出」，認為遇上伴侶疑似背叛始終令人難受，也有人質疑女方為何仍未即時解釋。
掃地機器人變 「捉姦超人」找出1物揭男友出軌 網民： 連AI都睇唔過眼
出軌對象疑為女方的老闆 餐廳發聲明撇清關係
有網民翻查女友的身份背景，疑似是一名社交網擁有1萬人追蹤的女網紅，不過她已極速關閉社交平台。港男指出，女友的出軌對象疑為其老闆，對方明知她已有男朋友，仍然出手追求，男事主稱「明知員工有男朋友情況下都出手」至於該名老闆的涉事餐廳，亦於11月5日下午在官方社交平台發表聲明撇清關係。餐廳聲明如下：
男友元旦偷食閨密 港女生設局捉姦「公開處刑」影片瘋傳 男友下場慘烈
「就昨晚網上關於合夥人謝彥祖嘅事,我地想喺 度親自同大家交代。
因為個別合夥人嘅個人行為,為大家帶來咁大困 擾同失望,身為其餘兩位股東,我哋心裏面好難 受,亦必須同大家及事主講聲對唔住。我哋一直 好信任身邊嘅夥伴,但今次對方嘅行為完全違背 咗誠信同道德底線,亦辜負咗大家對layback Matters 的支持。
舖頭係大家一齊辛苦建立嘅心血,我哋絕唔會包 庇。經過商討,我哋一致決定即時終止謝彥祖喺 layback Matters嘅所有職務,唔會再參與任何舖頭 營運,亦已經安排緊會計師辦理退股程序,正式 結束合夥關係。之後佢嘅個人言行,一概同舖頭 無關。
好對唔住令大家失望,係呢到向大家及事主致歉。
舖頭會照常營業,我同其他同事會專心做好手頭 上嘅出品。多謝大家嘅提醒同包容。
Layback matters」
