無恥港爸拍片教人濫用迪士尼傷殘援助服務
日前有網民向專頁投稿，直指有人濫用迪士尼賓客援助卡，該措施雖然並不是真正有傷殘証，但用法相似。投稿人覺得迪士尼該援助服務有出現濫用情況，而迪士尼方面於4月起已經更改制度，怒斥無恥行為「令真正的傷殘人士十分不便」。
事緣YouTube頻道「家有三寶带你食買玩」在3月上載了一條影片「香港迪士尼暢玩攻略 點可以免費唔使排隊優先通行三個鐘玩轉迪士尼遊戲」。該影片其後已被刪除，但根據投稿人所提供的截圖可見，拍片港爸指不到3小時已可玩完樂園內所有設施及攞盡年卡優惠，而他的方法就是利用兒子多年前的醫生紙，並向園方表示兒子需要援助。而看過影片的網民亦隨後嬲爆地補充到：「佢拎張2016年嘅所謂醫生紙去話自己個仔傷殘喎」。
網民極憤怒：最壞身教
投稿被公開後，不少網民都怒斥他貪小便宜的行為極為無恥，紛紛留言：「為人父母身教重於言教，濫用制度仲要咁自豪放上網」、「不知所謂，片中仲多次提及自己好威咁，唔洗排隊直入乜乜乜，人哋就要排隊乜乜乜，極討厭」、「濕疹真係可以好嚴重好慘嘅，但唔應該利用呢點攞著數，就係你哋咁嘅行為，對真係有權利嘅人無咗應該有嘅福利，真係多得你哋唔少」。
同時亦有殘疾者家屬也發文表示：
雖然小朋友有殘疾證，但我哋係無濫用過呢項福利！
偏偏世上就係有啲計盡縮數，仲要自詡精明嘅小人：明碼實價地付上一千蚊，卻由一開始就渴求著一千萬價值嘅「回報」…
事實上，對殘疾證人士嚟講，呢款福利唔係為咗「玩盡啲」，一旦失去，佢哋係「玩唔到」。
刪片＋道歉完繼續死雞撐飯蓋：去官網慢慢了解吓啦！
事發後已刪除影片的港爸在幾日後再上傳另一條於香港迪士尼拍攝的影片，不過下方就受到大批「睇唔過眼」的網民留言抨擊，港爸先是將海量的批評全數刪除、滅聲，只保留對他有利及支持的留言，再於留言處回應事件，以淡化事件：
在此聲明其實如果我哋嘅影片分享對部份觀眾造成咗困擾或者令到你唔開心，喺度同你講聲對唔住，我哋下次出片前會再認真考慮吓先至再出片，希望唔好再搞到大家唔開心啦
不過其後又兩度回應事件，不過其「死雞撐飯蓋」式回應明顯毫無悔意，言下之意更是恥笑廣大網民無知亂跟風炮轟，令一眾網民更為惱火，紛紛呼籲一同舉報頻道直至被刪除：
官網上面清楚寫明，如果傷殘嘅人根本都唔使申請呢張卡可以直接唔使排隊享用迪士尼嘅設施，咁又點樣影響真正有需要嘅人呢？
呢個係迪士尼官網上面寫明身體有障礙唔適合長期排隊嘅小朋友都可以申請，有醫生證明，然後經過迪士尼審批之後就可以用。點解會係濫用呢？
香港迪士尼有障礙賓客援助服務使用條款
根據香港迪士尼官方網站資料，「有障礙賓客援助服務（DAS）」專為因身體有障礙而不能忍受在傳統排隊環境中長時間等候的賓客而設，該服務可以讓賓客於指定遊樂設施預約一個與當前排隊區等候時間相約的時間返回該遊樂設施。賓客必須親臨位於美國小鎮大街上的市鎮會堂，並向演藝人員出示相關有效身份證明或文件（例如由香港特別行政區政府發出的殘疾人士登記證）以登記及取得援助服務卡。
傷殘人士（殘疾人士）定義
根據香港殘疾協會資料，香港勞工及福利局在2007年公布的《2007 香港康復計劃方案》內訂明，傷殘（殘疾）類別包括以下10種：
- 注意力不足/過度活躍症
- 自閉症
- 聽力障礙
- 智力障礙
- 精神病患者
- 肢體傷殘
- 特殊學習困難
- 言語障礙
- 器官殘障
- 視力障礙
