滿3歲小童未付車資被揭發 港媽：幾蚊都咁計較！
日前有自稱「花生小巴乘客」的網民向Facebook專頁「生仔要考牌系列」投稿，指之前乘搭小巴時遇見一件小插曲。當時他剛上小巴坐下，就聽到小巴司機揚聲問數次：「係咪有人未俾錢？」當一眾乘客正在回想自己有沒有付車資之際，司機再次揚聲說到：「有位夠咗三歲嘅小朋友未俾錢呀！」
聞言的乘客們紛紛望向一位身穿校服、安坐在座位的小朋友。但身旁的港媽卻表示：「啱啱夠三歲多幾日咋嘛！咁計較，少少錢咁緊張！」無奈的司機就唯有向港媽解釋，小巴公司有規定3歲或以上的兒童必須付車資，並非司機的酬勞。偷偷不付車費的行為被發現後，港媽才施施然從手袋內拿出錢包，口中卻嘮嘮叨叨：「幾蚊都咁計較！畀咪畀囉！嗱，呢度呀！」
正義乘客難忍無理港媽 港媽卻面皮極厚
目擊整個過程的乘客也難以忍受港媽的行為與言論，就有乘客開聲表示：「太太，夠三歲就要俾錢㗎喇，我小朋友都係咁，我諗你要習慣下。」但港媽竟然厚面皮地回應到：「咁我而家咪畀咗囉，仲嘈乜嘢？！你哋唔好咁執著啦！」不過，司機卻指出港媽與3歲兒子上車10分鐘仍未付車資。有乘客就再次出聲叫港媽做好身教：「太太，身教好重要，呢啲係規矩嚟，你咁樣會教壞小朋友。」
不過面對眾人指責，港媽卻反擊，指出司機雙重標準：「依家我係咪未俾錢先？司機平時啲朋友都上車唔俾錢啦，雙重標準！」聽到港媽的回應，就有乘客調侃說：「7,000幾蚊一個月學費就肯畀，幾蚊車錢喺度嘈。做家長真係要考牌」。結果港媽在寡不敵眾的情況下，帶著兒子中途下車敗走。
而投稿人就指出港媽操流利廣東話，上車地點亦屬貴價私樓地段，估計他們一家家境富裕：「司機咁好禮貌，仲畀晒落台階，真係面係人哋俾，架係自己丟。」
網民鬧爆：跌落地想揦返拃沙？
投稿引來大批網民熱烈討論，網民紛紛批評港媽搭霸王車，以身作則式做出壞榜樣：「自己唔啱，仲叫人唔好咁執著」、「嗰少少錢幾蚊你又咁計教側側膊唔俾」、「個小朋友三歲就教佢呃錢，仲唔係X街咁係乜呀？」亦有人炮轟港媽的態度極差：「其實嗰位家長只要講句唔好意思然後入返錢就無嘢。點解硬要駁嘴駁舌？！想攞返嗰彩？！」
另外，亦有網民留言分享以往曾遇見貪心港媽：「五歲坐乜都唔俾錢，佢哋住九龍站上面自置物業，又係萬幾蚊學費肯俾，小巴$5都唔肯俾。有次坐地鐵撞到，佢個仔發脾氣話點解我小朋友自己有八達通，佢冇？我話係啦，都五歲啦，佢老母話怕乜嘢啫，都冇俾人捉過！ 」
