有網民在Facebook專頁「西店Hi客之道 Hispitality Secret」上投稿，指自己在媽媽群組內看到一件奇怪事。事緣一名港媽去餐廳食飯，並坐在4人位的其中一邊。港媽進食途中，突然有名中年男人拖著小朋友走過來詢問：「前面有冇人坐」。港媽指，當自己說了「沒有」之後，對方完全沒有理會願唔願意搭枱，就已經坐下了。港媽立刻跟對方說不想搭枱：「跟住佢就好嬲咁鬧我自私」。
最後，港媽認為自己沒有錯，指疫情期間不想跟陌生人面對面吃飯；認為對方只問了「有冇人坐」，沒有問「介唔介意搭枱」。最後反罵對方沒有基本禮貌，沒有問清別人意願就坐下是自私行為。
看完事件後，網民反應一面倒，指港媽無理取鬧：「依家先知原來可以一句唔想搭枱，就可以包起張枱」、「茶餐廳….想唔搭枱？知唔知自己講緊乜？你老豆開咩」、「你試下繁忙時間去茶餐廳，同侍應講話唔想搭枱，睇下點」。
更有人笑問，如果對方不是想搭枱，為何會走來問「有冇人坐」，既然問「有冇人坐」就知道對方想找座位！
不少網民建議港媽包場：「點解唔包場吃」、「驚咪買外賣囉」、「不如一個人霸晒成間餐廳啦」、「可以選擇去3星級米芝蓮餐廳包房食」、「想安全就自己煮啦」。
