港女怒轟5星級酒店職員 未通知情況下擅自入房送果盤
近日，一位網民在Facebook群組《酒店住宿分享及優惠情報站 Hotel Special Offer》發帖文，當中以「令人勁失望嘅五星級酒店『荃灣西如心酒店』」，事主當時打算與丈夫慶祝周年紀念日，於是入住位於荃灣的「荃灣西如心酒店」，開頭事主大讚對方的服務：「Check-in嘅時候酒店話送個蛋糕仔俾我哋，都好地地諗住幾好服務啦！」
經理指出背後做少1件事 港女不滿：我唔見咗貴重嘢咁點算？
然而，當她和丈夫外出用膳後回到房間，她們發現桌上多了一個水果盤，為此她相當驚訝，於是立即致電職員詢問，而經理解釋：「呢個係酒店送嘅surprise，你哋又冇㩒個『Do not disturb 』（請勿打擾）個掣」，對方的態度令事主相當不滿：「唔係吖嘛！冇㩒唔代表酒店可以有人係房客唔係度嘅時候擅自走入去吖嘛！我唔見咗貴重嘢咁點算？我沖緊涼乜都唔知，冇著衫走出黎撞正佢地入門又點算？咁大間酒店都可以做啲咁嘅嘢？」
又提及到當時送蛋糕上房的時候職員有打電話通知，但是送生果盤的做法卻不同，酒店的安全問題以及經理的態度令事主嬲到直接退房因此事主最後抱怨：「我哋等咗成粒鐘都得唔到佢哋嘅答覆，嬲到直接退房嘅時候，個經理仲要叫我哋行埋一邊講，你做得啱點解要行埋一邊講？成個周年紀念俾佢破壞晒」
網民嘲笑：完美演繹何謂西客
而帖文出街後引起不少網民討論，有人指出酒店房間「請勿打擾」指示燈沒有亮起的情況下，酒店職員確認房間沒有人後就會入房提供服務，這是常見的做法，因此大家紛紛留言表示：「5星級嘅酒店一向都係呢種服務方式，有唔少仲會留意定客人出門就上房執野開床，唔會特登通知客人，會唔會係你少見多怪？」、「housekeeping會入來refill浴室用品，黃昏時都會入來開床㗎喎…你係咪第一次住酒店？」、「如果無人係房送入房都好正常，如果你間房有幾千萬就應該開do not disturb ，又或者唔應該帶咁貴重嘅幾千萬去酒店。」、「完美演繹何謂西客」、「我每次入酒店房都會反鎖，又點會有沖沖吓涼有人走入嚟既情況？」、「呢間都係五星級酒店？」
事主知衰秒道歉
最後，事主見到如此多網民回應，因此就在評論中逐一回應道歉：「係我少住唔識嘢，多謝你提醒」、「多謝你回應，所以我最後的確係返咗屋企，嗰啲酒店有機會住嘅話一定學你㩒咗DND先」、「真係第一次，下次就會學識」、「我上網睇佢係寫五星。唔知佢原來唔係。係度學咗嘢，下次就唔會打搞晒大家」。