港女遊日新幹線上遺失行李 發文抱怨職員唔幫手送回

事主在Facebook群組發文，指自己與家人遊日，由輕井澤搭乘JR新幹線至東京上野站，下車時發現自己的行李竟不知所終，於是向車站職員求助，經職員查證後，發現行李竟然莫名出現在另一個中途站。事主希望JR可以將行李送回至身處車站，不過就被職員拒絕，「車站不肯把行李送回上野畀我，帶着大人小朋友點返去？」，因此求助網友。

不過各大網友都不買帳，反嘲事主是在抱怨，又質疑為何無法自行取回行李「點解帶住小朋友就返唔到去」、「佢唔係抱怨，似係想搵人幫佢係輕井澤帶返去」、「帶住大人小朋友返唔到，理由得1個：唔想比車費」、「有能力一家大小由輕井澤去上野，點解無能力去拎返件行李？」、「帶著大人小朋友喎，即係唔只一個大人啦，咁點會返唔到去」。

亦有網友為事主緩頰，指並非事主過錯，網上求助亦無可厚非：「崇日L：（發生前）日本好安全，洗乜擔心呢啲嘢；（發生後）自己唔睇實啲野怪得邊個？」、「依加啲人言恐怖得好緊要，描述人地唔肯幫就叫抱怨」、「佢都係求救，話唔定同group有人順路呢問下又無壞」。