港女帶蛋糕去尖沙咀餐廳被收$900切餅費！
這名女生去了尖沙咀The One的某間餐廳吃飯，並打算和朋友慶祝生日。她先前已告知餐廳會自行帶蛋糕，亦得知店舖會收$100的切餅費，事主覺得沒有問題便欣然接受。她用心地準備了一個很精緻的cupcake旋轉蛋糕，小小的迴轉帶上有9個可愛的杯子蛋糕，賣相超呃like，不過餐廳經理見到後就指要逐個cupcake收費，因此切餅費一共是900元港幣。由於價錢突然貴了9倍，事主最後決定不吃蛋糕，只拿出來拍照打卡，最後臨時找尋地方再享用cupcake。
餐廳現身回應引發公關災難
雖然最後事主小事化無，決定轉場再吃就算，但一眾網民就被焫著，大鬧餐廳收費離譜，隨後餐廳就有在Facebook帖文回應事件，當中表示確實有向顧客收取切餅費：「經與當值餐廳經理了解後，經理承認當日曾經與顧客指出需要按每件cupcake收費，而顧客最後決定不在餐廳享用，所以最終餐廳沒有收取900港元。公司絕對無意收取900港元9個cupcake」當中又解釋在一般情況下，參考一般磅裝蛋糕，切餅收費為每個100港元，而非磅裝蛋糕則彈性處理，因此對於經理未能與顧客達成共識感到抱歉。
網民怒轟：逐件真係over咗！
餐廳的回應不但沒有為大家平息怒火，反而是網民更加鼓譟，認為上述回應根本向事主致歉，而是想「塞住網民把口」，紛留言表示：「規則係你哋定，你哋喺規則上面贏咗，恭喜晒」、「準備同朋友慶祝生日。佢鍾意食花塔餅，請問如何收費？」、「有冇準備個磅？係咪一入嚟即刻要磅一磅個蛋糕先？如果多咗0.1磅係咪要收多$100? 」、「唔怪之得咁多港人上深圳廣州消費…」、「香港生意差系有原因嘅， 你就唔好怨點解個個都去北上消費遊客又唔嚟啦，你睇下呢啲咩服務質素？ 價錢都已經唔係平」、「經理係天才，諗到一個幫公司賺多幾百蚊嘅方法。」
亦有人替餐廳平反指店家已一早列明會逐件收費，而經理也有再特別提醒，已經很貼心了，「每件計，鬼叫佢帶九件。自己蝕底冇得怪人」、「佢唔係唯一一間係咁，我都試過有餐廳係咁，講明逐件蛋糕收，就算細件蛋糕一樣，人哋規矩係咁，有出聲提你已經算係咁，咪再搵地方食咗佢囉」。