香港男生常挑剔港女野蠻、難服侍、眼角高等，早前有港男在討論區以「其實點解你哋咁反感溝大陸妹」為題，大數港女6件事完全比不上內地女生，帖文一出即被大批網民熱議，樓主以為會得到連登仔支持，但事與願違不少男生也反撐港女！

港男大數港女6件事比不上內地女生 自言：玩極交友App都無成功

該名港男以「其實點解你哋咁反感溝大陸妹」為題，指自己「身為一個低質毒男，玩極交友app都無港女要」，更指港女「個個都要170以上、有車、有樓 、月入30k up、仲要廿分健談（Send訊息講星座都不獲回覆）、低聲下氣做兵仔」，更指「唔係我唔想識港女，係港女放棄我」。另外他再續指「依家轉溝內地女生，起碼似返個人，唔使低聲下氣做兵仔，個地位相對平等好多」。

港女 內地女 示意圖，非當事人）
（示意圖，非當事人）（圖片來源：TVB《香港愛情故事》）

女生：你結咗婚無被帽先出聲啦

當聽到自己被抨擊，不少港女都忍不住發聲，指「170以上都叫高要求，個男仔真係收聲啦」、「你識到個D內地女生都唔方高質」、「港女唔係唔肯將就，係要睇到你有上進心，唔會安於現在，更何況有邊個對另一半無要求，你以為大陸嘅就無要求？佢係唔睇樣唔睇性格，但睇錢呀嘛」、「講到佢哋咁好，就唔會有咁多結完婚拎完證就帽人嘅新聞啦」。

港女 內地女 網民表示，內地女生一樣有要求，一齊日子久了，才會顯露出來示意圖，非當事人）
網民表示，內地女生一樣有要求，一齊日子久了，才會顯露出來（示意圖，非當事人）（圖片來源：微博）

港男護航：價值觀已經爭好遠啦

港男在此Post亦留言表示不認同，更指「望下上一代，娶內地女生個D，好多咪又係頭家散咗」、「一個係未拍拖就表露真性情，一個係結咗婚先露真面目，自己睇路啦」、「相反，不知幾多內地男生羨慕港女肯同你捱，你試下帶個內地女生食M記同茶餐廳，睇下會點」。

圖片來源：TVB《香港愛情故事》資料或影片來源：原文刊於新假期