港男去旅行發現女友虛報年齡：點解係198X年

日前在香港討論區上，網民以「去旅行先發現女朋友虛報年齡」為題，分享自己在旅行時發現女朋友一直講大話，虛報年齡，雖然一直以來相處上沒有大問題，不過始終未能接受。

女朋友一直聲稱細過事主兩年

事主指女朋友一直聲稱自己細過他2年，年齡是二十多歲，加上她擁有童顏的樣子又嬌小的身型， 所以他一直沒有質疑過。

出發當日見到護照：原來己經三十幾歲

當日排隊等入境時，事主好奇女朋友的護照相，但女朋友一直以「很醜」為由推搪，事主堅持要搶來看。事主第一眼見到張相好靚，第二眼就見到出生日期一列顯示「198X」年，感到不解：「點解係198X年出生嘅？」，才意識到二人是年齡差距頗大的姊弟戀。

女方最後承認自己虛報年齡，事主當下很衝擊並指一直不能接受姊弟戀，所以口裡說着不介意但心中耿耿於懷。

網民：姊弟戀有咩問題

大部份的網民都認為姊弟戀沒有問題：「姊弟戀都頗常見啦，乜你思想仲咁守舊㗎」、「姊弟戀先正呀」、「樣貌睇唔出，但心智比較成熟，執到啦」、「咁介意年齡咪分手囉」、「最緊要相處夾得嚟」、「又唔係虛報性別」；又有網民分享：「我都試過，拍緊嗰陣佢扮唔小心畀我睇到張身份証，返到屋企傾電話佢問我有無睇到佢張身份證，先知原來佢大過我」等。