港女倒貼男友一家7口去旅行　因一個舉動被罵　網民：快分手

近日在Facebook群組「扮工室Online」中有網民分享自己正準備與男朋友一家人去旅行，因為二人已有結婚打算，所以事主不但出錢資助一半旅費，請未來老爺奶奶、大嫂一家三口及小叔，一共8人一齊去日本旅行，但最後因為一件事令到二人關係產生芥蒂。

事主貼心幫男方一家買篋被罵

事主擔心唔夠篋用，而未來奶奶亦開聲話要買篋，所以就自己出錢買了4個篋，老爺一個、奶奶一個、剩下兩個就準備給大嫂一家及小叔。

不過在買篋當日，男友就不滿指：「點解要買咁大個篋，拎都拎到攰」、「屋企無位擺咁多個篋」，不停鬧事主「好蠢」，但又未能提出「唔夠篋用」的解決方案。

未來奶奶、大嫂又鬧埋一份

事主臉帶笑容回到男朋友屋企，以免被老人家察覺到二人吵架。怎料，未來奶奶同大嫂又鬧埋一份：「買咁多喼屋企又無位」，不停鬧事主好蠢。老爺眼見事主眼濕濕已經安慰事主，但未來奶奶同大嫂就無停口：「話你兩句就想喊，第時小朋友點點點」。

事主：鬧完又無實用建議

事主就指：「咩都我安排晒， 出錢我都畀咗一半， 我做錯你話我蠢可以，但可唔可以畀啲有用嘅提議！成家人都係咁， 為咗個篋可以話到我喊，第時再有咩重要嘢要討論真係不敢想像」，更問網民：「個旅行仲去唔去好？」。

網民：分手

有網民就建議分手：「盡快分手，記得問男朋友追回旅行錢」、「幾個篋就睇到佢全家真面目，重講將來？」、「分手啦，請晒佢屋企人去旅行仲要你幫手出一半錢…..你條仔真係識計數呀」、「請埋佢家姐一家三口同佢細佬？佢哋無做嘢定全部拎綜援？」等。

而行李箱問題，網民就建議：「篋其實有摺合式，或者套裝（大中細可以入埋慳地方）或者似紅白藍袋咁而底有轆嘅，摺埋好細，慢慢推或拉」、「篋如果唔係自己用，我覺得問人借比較好」等。