港人最不滿意日本的9件事｜01 廁紙
第一件日本令人不滿意的事，就是廁紙太薄「每次都要多幾張，仲唔環保，同埋濕水又變爛哂」、「日本廁紙薄到 疊幾多層都覺得一掂水 一督即穿」、亦有網友認為廁紙不只太薄「薄唔係問題，卷多幾野，最大問題係無分割線，次次都撕得唔齊」，不過亦有網友為廁紙反駁「但基本上用好少廁紙就已經抹乾淨」、「如果有廁紙蓋，通常有牙可以撳住撕齊」。
港人最不滿意日本的9件事｜02 暖氣
在寒冷的冬天如果室內有暖氣，可謂是福音，不過就有不少人認為暖氣是好，但日本的很多地方開暖氣都開太勁「室內暖氣超勁，焗到仆街」、「冬天5-10度著羽絨，出到室外剛剛好，一入商場就熱到出哂汗要除，抽住件羽絨行街勁煩」、「暖氣勁到好唔舒服，跟住啲被又厚」。
港人最不滿意日本的9件事｜03 酒店的中央冷氣
日本大多酒店都使用中央冷氣，有網友指酒店的中央冷氣無法調較至適合自己的溫度，十分翳焗「中央冷氣冬天較暖氣夏天較冷氣，試過有次夏天尾初冬去，夜晚熱+焗L到痴線，係咪墨守成規到咁…」、「焗撚到仆街」。
港人最不滿意日本的9件事｜04 無垃圾桶
日本因為1995年的沙林毒氣事件，而決定將街上和車站的大部分垃圾桶移除，以免有心人士將可疑物品投入垃圾桶中造成公共安全疑慮。不過街上無垃圾桶就對遊客來說不太方便。
港人最不滿意日本的9件事｜05 電車或地鐵有異味
有網友投訴日本電車或地鐵車廂內有異味「東京地鐵車廂毛茸茸嘅位有陣尿味，上一次去東京已經係2019，冇味，今年1月去搭好多線都有，尤其經過新宿嗰啲」、「夏天臭幾倍，本來唔想戴口罩，但臭得滯迫住要戴」，編輯都十分同意，個人認為京濱東北線列車最臭！
港人最不滿意日本的9件事｜06 商場或店舖早關門
不少遊日網友都有同感，日本東京或大阪的商店和商場一艘晚上8點就關門，對比香港一般在10點關門，的確是比較早，「小城市6-7Pm收曬檔」、「大部分地方入夜就收晒」、「想食完晚飯再行下都唔得」。
港人最不滿意日本的9件事｜07 日本人默守成規
香港很多事情都習慣彈性處理，不過日本就比較跟規矩，按章做事，文化差異下令港人覺得日本人做事較死板，「日本仔唔識處理突發情況」、「太死腦筋，做野唔識轉彎」、「係亞洲內講執生香港應該都係排第一」、「日本仔唔識處理突發情況，呢個應該係就算幾鍾意去日本嘅人都會同意嘅通病」、「日本太多規矩」。
港人最不滿意日本的9件事｜08 日圓低位
近年日圓受實行量化寬鬆政策及美國加息等因素影響，日圓貶值，對於遊客而言是福音，大買特買；大食特食，花錢不看價錢，沒有顧慮，不過都日圓低位都唔一定係好事「日元跌得太低水，搞到成日要過去掃貨」、「買吓買吓就唔見咗啲錢」。
港人最不滿意日本的9件事｜09 旅遊業
日本的旅遊業發展可謂國際上數一數二，因此不止港人愛去日本玩，外國人都同樣喜歡，日本魅力沒法擋「旅遊業搞得太好 太多遊客蜂擁而至」、「太多遊客阻住哂我影靚相」、「去完返到屋企會抑鬱」、「去完想再去，抽離唔到」。
