網民分享媽媽的地獄廚神成功之路
近日有網民於Facebook群組「Chef Chu’s廚房零失敗今晚煮好餸烘焙飲食放毒區」發文，將她媽媽的廚藝公諸於世，「俾大家了解一個地獄廚神成功之路」。她表示全家由細到大，都已經嚐盡出自媽媽的手的千其百趣料理，但因為兒時較窮沒有相機就沒有拍下來留念，「就算有都唔會浪費菲林」。
媽媽為慳錢自己整牛扒 事主超期待
有一日她媽媽突然在她的外出時聯絡她，並問到：「今晚幾點返？我買咗牛扒，出面食個牛扒都四五百蚊，自己整仲抵。」聽到有高級牛扒食的她，滿心期待當日的晚餐，一想起香煎牛扒外面香脆，內裡juicy的口感與味道，就令人欲罷不能！
香煎牛扒竟變清蒸薑蔥牛扒
興奮的她回到家中，看到餐枱上的「高級牛扒」卻面露難色，向媽媽問到：「你做乜咁整呀？」媽媽則平靜地回答：「咁先原汁原味，好似啲燉牛肉咁呢，至衰唔記得買蔥得果少少」令她極度無奈。最後她以相片為大家公佈答案，原來媽媽將上好的牛扒拎去蒸，製成了「清蒸薑蔥牛扒」！從事主上載的相片可見，牛扒被媽媽蒸成灰色，中間帶些微的紅色，更可以見到媽媽特地用筷子戳了幾下確定熟度，牛扒下一灘血水，上面還有薑蔥作點綴，整碟「清蒸薑蔥牛扒」都令人哭笑不得！
網民爆笑：嗰攤血水先係精華！
帖文引來大批網民熱議，不少網民都被事主媽媽「特別嘅煮牛扒技巧」所折服，紛紛笑言：「真係第一次聽聞牛扒可以薑蔥」、「清蒸無咁熱氣嘛」、「伯母同你慳左四五百呀」、「薑葱蒸牛扒好fusion呀！auntie掂曬！」、「灒熟油加蒸魚豉油perfect池」、「你唔nominate阿伯母去參加Viu個『地獄廚神是我媽』節目，真係嘥哂！」亦有人分享媽媽的「創意料理」：「我媽以前會唔解凍塊牛扒再走去飛水煎，我細個見到都呆一呆」、「好似我媽媽煎咗條 salmon sashimi…仲話好好食…」
