港爸淘寶月餅 17kg月餅堆積如山
事主於Facebook群組「淘寶開心Share」分享，指父親早前學識到大陸購物平台淘寶購物，最近臨近中秋節，就趁此機會在淘寶上一口氣購買了多達17公斤的月餅到家：「上年老頭學識淘寶後淘咗10 kg月餅，今年叻咗有進步，17 kg。」
從事主所上載的相片可見，爸爸所訂的月餅在家中堆積如山，起碼包括10多盒來自內地的月餅，戰利品中無論款式、品牌都十分多樣化，除了傳統蓮蓉月餅外，亦出現了五仁月餅及雲腿月餅等口味，場面甚為壯觀！事主試食後更發表食評：「食到啲古怪月餅，只係自己攞嚟，唔同層次嘅要死，梗係死係自己手上。」
網民驚訝：大陸人都唔夠膽食大陸啲月餅……
事主的帖文一出，就引來大批網民的廣泛熱議！不少網民對事主父親「淘寶月餅」的「玩命行為」感到非常驚訝：「月餅都淘？！」、「勇字行頭」、「淘寶月餅都敢食，果然係勇者」、「淘咗咁多年，唯一未淘過，亦唔敢淘的就係食品」、「純粹為咗了解元素週期表」。
亦有人指出大陸的食安問題連大陸人都十分憂心，作為香港人的爸爸竟然有膽淘食物：「呢啲唔係叫豪氣…..呢啲叫蠢!」、「真係上咗架直升機咁，伏伏聲！」、「兒子試完唔同味嘅月餅，之後要試唔同味嘅藥丸」。而事主表示內地亦有品質優良的良心食品，因此並不擔心月餅的安全性。
港爸全家Quota用盡 過節前諗計急散貨
另外亦有網民好奇事主一家如何消化17kg月餅，又指出月餅的膽固醇普遍都偏高，便好心提醒事主爸爸避免食用過量。而事主就解答到爸爸自言「有quota」，稱「可以食埋今年」。而且爸爸亦已將一部分月餅轉贈友人，不用擔心會浪費食物。 而對於爸爸踏上淘寶這條不歸路，他更直言父親已將淘寶技巧「傳授」予母親，「江湖應該又有一場腥風血雨！」
有什麼中秋好去處？
各大商場和景點均於中秋前夕舉行市集、 工作坊及打卡裝置，絕對是賞月賞燈、共享佳節的好地方！中秋好去處2022推介
有什麼中秋月餅推介及優惠？
望月、奇華、Häagen-Dazs等人氣月餅品牌或酒店推出中秋月餅優惠，低至55折、買二送一等。除了傳統月餅以外，更有各種全新口味，滿足大家不同需要！中秋月餅2022推介