前同事請食西京燒
有網民於連登討論區發文表示，上星期有一位與上司不歡而散的前同事突然到公司探班，並自製了「西京燒」請他們食：「一睇個樣又整得幾靚，咁個個都夾一嚿食啦，食落都ok係油咗啲」。
惟品嚐「西京燒」後，事主就感覺到不對勁：「好似有啲嘢流緊出嚟，即時沖入廁所睇下咩事」屁股漏油的他立即知道發生了什麼事，前同事所製的「西京燒」並不是以鱈魚製作，而是以「油魚」製成！他忍不住表示：「雖然話前同事同上司是不歡而散，咁你都唔使害埋我哋呢啲無辜市民下嘛？」其他同事也相繼出事：「全公司個個都排緊廁所，成個office彌漫緊一陣臭油味」。
而一向與前同事不咬弦的上司下場更為慘烈，事主表示因為上司平日就喜愛吃魚，當時試食「西京燒」時就食了三大塊魚，因此最慘烈的就是他：「一睇佢成張櫈都濕晒，啲油滲晒入佢張櫈既軟墊到」。
帖文引來大批網民熱議，不少網民皆表示整件事「好有畫面」：「呢個前員工識玩！」、「油魚遊戲」、「佢地應該要多謝舊同事，因為請佢地食油魚之餘，仲幫佢地排毒」。
百佳油魚事件
2007年1月，百佳超級市場爆出以「藍鱈魚」、「鱈魚（油魚）」名義出售價錢比鱈魚低7倍的油魚的急凍魚柳。多名消費者投訴指曾食用百佳出售的急凍鱈魚柳後感到不適，出現肚瀉及排油現象。而百佳方面表示，油魚屬鱈魚的一種，事件亦不涉及品質和安全問題。
