不少人也會在交友app中結識朋友或異性，而交友準則及標準因人而異。有連登仔在討論區中分享一張圖片，內容為港女在交友app中的簡介以及「驚為天人」徵友條件，引來不少網民的負評！

極品港女 交友app 有連登網民話要伸張大義，po出一張一位港女係交友平台係驚為天人簡介同徵友條件，話好心痛香港墜落成咁。
有連登網民話要伸張大義，po出一張一位港女係交友平台係驚為天人簡介同徵友條件，話好心痛香港墜落成咁。（圖片來源：《雖然是神經病但沒關係啊》劇照）

自稱似「超蓮溝陳瀅」 徵友條件驚為天人！

呢位網民就po出一名30歲、自稱似「超蓮溝陳瀅」、「電眼野貓」嘅港女，喺交友app上列出「驚為天人」徵友條件。先要係至少1米7、體重65-80kg、無食煙習慣嘅28-45歲華人，大家睇到呢度都仲未完㗎，條件仲有「有私家車、月薪最少有5萬、有時平日晚上或週日下午能陪我，一星期見1-2次」，並指如果日後成為情人必修承擔所有拍拖開支，「提供每月零用錢作為這段長期關係的承諾。」，而簡介最後一行相信係全文重點，「接受單身、有女友、已婚或離異男士」。

極品港女 交友app 呢位港女話自己個樣似超蓮！
呢位港女話自己個樣似超蓮！（圖片來源：IG@laurinda_ho）

極品港女 交友app 除咗自稱話似超蓮，話自己都有啲似陳瀅
除咗自稱話似超蓮，話自己都有啲似陳瀅（圖片來源：IG@missjni）

極品港女 交友app 網民話唔睇樣，睇呢段千字文已經夠趕客。
網民話唔睇樣，睇呢段千字文已經夠趕客。（圖片來源：交友app截圖）

請食高級餐廳先會赴約！約食飯要貼link？！

呢位港女表示自己已超過百人邀約，機會留俾對佢有誠意嘅男士，「有人願意請食高級餐廳先會排期，有意想約食飯請msg附上餐廳link。」，睇到呢位版主「O曬咀」所以先要出po。

極品港女 交友app 港女表明機會留俾對佢有誠意嘅男士，要約食飯就附餐廳link。
港女表明機會留俾對佢有誠意嘅男士，要約食飯就附餐廳link。（圖片來源：交友app截圖）

網民負評超多：「成30歲仲咁多要求」

Po文一出後立即引起800幾個負評，有網民留言話「呢位港女已經30歲，仲咁多要求」、「唔理樣，淨係篇千字文已經夠趕客。」，亦有人話唔覺得出奇，「你覺得值咪值，唔值咪唔值，唔值市場自然會淘汰架啦。」亦有人覺得明買明賣無問題，「交友app多啲呢啲直接既女仔咪好 唔洗浪費大家時間，唔啱就skip。」

圖片來源：IG@missjni、IG@laurinda_ho、交友app截圖、《雖然是神經病但沒關係啊》劇照