商台DJ旅行餐廳用餐時遇失禮港人 一路食飯一路被迫聽對話
商台DJ楊樂笙日前去了台灣旅行，於當地蟬聯米其林推介餐廳雙月食品社用餐，點了其招牌愛恨椒芝麵。而他旁邊坐了一對香港夫婦，二人在用餐期間大聲聊天，話題包括所搭的飛機航班、當晚晚餐menu、隔天行程安排等。兩人全程高談闊論，嚴重影響了楊樂笙用餐的心情，不滿地狠批：「香港人講嘢真係好大聲」，更指短短的15分鐘內，「我已經知道佢哋今晚幾點機、香港住邊、今晚落機之後買咩返屋企食，同埋聽日要去做咩」，令他忍不住大鬧：「可唔可以俾我靜靜地食餐飯？」。
網民超有共鳴：去韓國泰國最嘈都係香港人
帖子引來逾3,000人留言，大部份人表示深有同感，指自己曾經有過類似情況：「成日搭巴士、食飯都會遇到呢啲人，無人想知佢啲嘢呀」、「好多香港人都無喺公眾場所唔好騷擾到人嘅自覺」、「去旅行聽到廣東話要避，同埋扮自己唔係香港人」、「仲有係公眾埸所特別係公共交通上睇片聽歌唔用耳機嗰啲人」、「其實我都唔係好想知道人哋屋企啲嘢，放工我想靜吓個腦，大腦疲勞」、「去台灣韓國泰國都一樣，最嘈香港人，幾個國家遊客一齊餐廳食飯，最嘈最大聲，講唔停大聲笑，都係純正local香港人」等。
