韓國現大量死魚網民斥核廢水現眼報 K Kwong躺槍 EQ高回應秒殺全場

自從日本將福島核廢水排入大海後，不少人都擔心再吃日本海鮮會受輻射影響，更因此而出現不同與核污染相關的爭論。香港大學化學系博士K Kwong經常在社交平台分享化學相關知識，今次核廢水事件亦不例外，早已列10點證明對食海鮮影響不大，不過有網民就認為他的見解有誤，更入侵他的社交平台洗版圍插。K Kwong當然對此感到不滿，不但逐個留言親自回應，更Cap圖發文指這些人「拉低人類EQ」。

網民洗版圍插 K Kwong　嬲爆親自逐點回應獲高EQ讚賞

K Kwong為化學系博士，他所解釋的事實賦有公信力，堅持以數據說理，惟自從日本排放核廢水後，有大批網民堅持否定K Kwong以科學角度作解釋的講法，更不停湧入他的社交平台洗版留言狂罵。而近日有消息指韓國海域有大量魚類死亡，這批網民再把話題與核廢水掛鈎，到K Kwong社交平台再度挑戰。而K Kwong眼見有一大批網民留言，即時親自回應，逐點擊破。有網民指在日本傾倒核廢水後，「韓國嗰邊死咗好多魚喎」，K Kwong就表示「其實夏天好多人浸死，亦有好多人食雪糕，但係咪食雪糕令人浸死？」亦有網民貼出一張福島核電廠當年處理失當的歷史，K Kwong反駁道「點解你唔講埋二戰打敗導致污水有害？同我講科學呀唔該」。有網民質疑他「除了氘其他不說？」、「還有很簡單的道理，如果安全為何要起千幾個儲存倉呢？不一早排大海？非要等到儲存倉爆滿才自私排海？」，K Kwong激動回應指「濃度呀！你一次過食一包超市鹽就立即死，咁你平時食飯啲鹽又無事喎，點解嘅？」

核廢水韓國死魚 K Kwong 逐點回應。 — 逐點回應。（圖片來源：Facebook@K Kwong）

核廢水韓國死魚 K Kwong 好有耐性。 — 網民指K Kwong回應網民好有耐性。（圖片來源：Facebook@K Kwong）

網民大讚有耐性：真係班門弄斧

K Kwong隨後將這些留言連自己的回應Cap圖展示，並發文斥這些是「拖抵人類平均 IQ嘅人」。而其他網民看到後，紛紛大讚K Kwong「好有耐性」，明明知道這些人所說的內容不合理，但仍然願意花時間解說，「你真係好有心，簡直係重溫緊化學課（免費補習）實在太有耐性」，有網民更揶揄這些心「其實同人類重有一段距離」、「D人睇嘢唔睇源頭」，更有人笑稱這群熱心網民質疑K Kwong的化學知識無疑是「班門弄斧」、「自己攞嚟X」。

核廢水韓國死魚 K Kwong K Kwong完全不擔心核廢水。 — K Kwong完全不擔心核廢水。（圖片來源：Facebook@K Kwong）

K Kwong撐核廢水早已列10點證影響不大

在日本將福島核廢水排入大海後，不少人都對此議論紛紛，而不時都會在網上分享自己見解的香港大學化學系博士K Kwong亦在社交平台上列出10點，出盡力證明核廢水的影響不大。他表示核廢水的濃度低，因此不怕福島核電廠水，同時亦不支持政府禁日本10個縣海產品，認為若果真的實行是「搵嘢嚟做」。而他亦嚴聲澄清指氚同碳14並不會留在人的體内，直指「佢哋生物半衰期得幾日」，又揚言核廢水絕對不會影響日本出產的生果，只因「海嘅水係上唔到陸地灌溉系統嘅」，可見對是次問題完全「無驚過」。