涉事家長致電《東張西望》 澄清遭誣賴！
昨日（29/4）涉事媽媽在致電《東張西望》澄清事件，指出空姐把餐車推到旁邊時候，被指責「跳個不停」的大兒子，當時正坐在自己的座位上並靠向自己說話，隨後就靠回自己的椅背上。此時，就突然聽到後座男生鬧不停，涉事媽媽憶述：「我仲消化緊咩事，我就望下佢做咩啦，見到佢杯麵倒瀉咗湯出嚟。如果我冇睇錯個杯麵係擺喺電腦上面。你知啦！坐落個位就會微微咁郁，就一定會啦個啲凳，可能震到佢張檯啦，我估計啦」
涉事媽媽反轟港男有問題：明明係你自己倒瀉
涉事媽媽表示之後就見到對方開始用粗口鬧小童，於是家長就激動反駁：「我個仔一直都坐窗口位，拎住個餐牌睇下食乜，完全冇話咩蹦蹦跳跳」又指當時在旁邊售賣商都可以做證：「如果我個仔喺個位跳，空姐都一定會叫我個仔坐低囉，我個仔根本就全程坐係度」表示不理解為什麼後座自己倒瀉杯麵卻誣賴他們
小童在座位上跳不停 杯麵滾水倒瀉港男慘被燙傷
近日，就有港男在Facebook群組「HK Express 香港快運及旅行資訊關注組」發文指，飛行途中由於前座的小童在座位上不斷跳躍，令自己的手部慘被杯麵的滾水燙傷，事後需就醫治療。事主指控，意外發生後，小童母親不僅未道歉，更轉身以粗口辱罵他：「黐Ｘ線！」從事主上傳的短片可見，空姐曾拍肩嘗試調解，但該母親情緒激動，甚至繼續指罵事主及其家人。事主表示：「佢有冇病啊？對唔住都唔講聲，仲要用粗口鬧我！」另一段影片中，該母親更對後座喊「你收聲！」，事主解釋，對方當時正在辱罵他的母親，因此港男不解表示：「係咪有病，自己有錯鬧完我仲要鬧我阿媽。」
小童父親加入罵戰 全家圍攻事主
隨後，事主向《東張西望》透露，小童父親亦加入罵戰，在未了解情況下，從隔鄰座位站起來指責他：「我鬧咗佢個仔兩句，跟住佢阿媽就發晒癲，企喺度鬧我。呢啲人真係有問題。整親人唔道歉都算啦，仲要講晒粗口咁。佢老公仲好笑，乜都唔知就喺隔籬嗰行企起身鬧我。」事主批評，該家庭行為離譜，「整親人唔道歉都算，仲要講粗口」。又指出小童非常頑皮，在座位上不斷跳動令自己的電腦多次掉地上，就連自己的杯麵都因為小童的行為，令自己被滾水燙傷。
事主調位獲急救 網民籲報警
事後，機組人員將事主調至機艙最後一排座位，並為其燙傷的手部沖水及敷冰。事主上傳的照片顯示，其手部已包紮處理。網民紛紛留言建議他報警，並透過航空公司紀錄追究責任，但事主回應：「佢冇打我報唔到警」，認為現階段難以採取法律行動。
網民質疑事主二人說詞：證據呢？
不過網民對於二人的說詞持保留態度，雖然傷者上載了1張圖片以及3條影片，不過這幾條影片僅1秒長，因此認為現時無論是傷者還是家長都沒有太多的證據，大家各執一詞；亦有人認為是家長想淡化事件，指出小童的行為確實有影響到港男：「你個仔正常坐就唔會震到人杯面都跌埋啦，曬鬼氣」、「以坐過飛機既經驗，佢個仔就咁坐番自己個位，係唔會震到後面張台。所以就咁聽都9成淡化件事」、「如果準備開餐食嘢，真係唔好郁同出出入入喇！」
即睇家長點講：
