撰文：CY｜圖片來源：TVB《2020東京奧運黃金戰報》、LIHKG
東京奧運｜TVB旁述稱黑人選手似動物！網民斥歧視呼籲港人集體投訴
有港人於LIHKG討論區上以「覺唔覺TVB主持叫黑人運動員做「非洲猩猩」好癲？」為題，分享TVB節目《2020東京奧運黃金戰報》的節目片段。影片可見烏干達選手Cheptegei於田徑男子5,000米項目中獲得金牌，當時Cheptegei捶打胸口表達喜悅，TVB旁述竟形容為「好似非洲猩猩」。
網民呼籲集體向廣管局投訴
網民認為旁述的講法有歧視之嫌，指「如果係一個黃種人做同樣嘅動作，呢條X樣會唔會叫佢『亞洲猩猩』？」，又表示「一個黑人即使模仿猩猩，都唔應該叫佢做「『非洲猩猩』，因為咁樣講根本就係潛移默化『黑人=猩猩』呢啲極度Racist（歧視）嘅概念」，提醒該旁述「係電視講嘢就應該小心啲」，並附上廣管局投訴連結，呼籲網民合理投訴，抵制歪風。
文字版對話內容
女：恭喜晒！卓特基，來自烏干達的……
男：嘩！好似啲非洲猩猩咁樣
女：勝利嘅姿勢吓嘛
網民轟TVB旁述「幾無sense」
有網民認為TVB作為電視台，有責任自我審核基本用字，一面傳遞錯誤價值觀。今次事件中旁述敏感度明顯不足，有網民直斥「幾無Sense先可以癲到咁」。
有網民反駁「非洲猩猩無咩問題」被砲轟
亦有網民指該選手的確來自非洲，該行為亦明顯模仿猩猩舉動，因此被稱為「非洲猩猩」亦無不妥。不過此理由不被其他網民接受，獲回覆指「某人係香港人，佢扮狗叫，然後我叫佢香港狗，咁你ok？」，間接表述此該旁述的講法相當不妥當。
香港媒體立場新聞就事件向TVB進行查詢，獲TVB回覆「本台評述員形容男子5000米金牌得主卓達基 (Joshua Cheptegei) 行為像「非洲猩猩」一事，本台在此澄清，世界知名烏干達跑手Joshua Cheptegei 除了是運動員身份更是烏干達旅遊大使，而烏干達是擁有最多「Silverback黑猩猩」的地方，而跑手卓達基先生在運動場上勝利後，均會在頒獎台上模仿「Silverback」捶胸口的勝利動作；同時間宣傳國家讓世界各地觀眾留意，而當時本台評述員只是以運動界所理解資訊來作出客觀描述，並不構成任何歧視或中傷行為，本台對此並無補充。」