網民批評韓國「只有港女鍾意去」網民反擊： 首爾以外唔係咁

近日於討論區上有網民以「其實係咪得港女先咁鍾意去南韓」為題，指出韓國去完一次就唔會想再去：「嘢食真係完全唔啱食，醬油蟹好多蟲唔敢食，好多地方好舊，好似返咗內地咁，啲人行路唔知點解凈係識橫衝直撞， 同價去日本玩正好多」 。不過就有網民指出其實港女以外都有好多人鍾意去！

批評韓國｜01 同韓劇有極大分別：好似內地

有網民就指出一落地同內地沒有分別，去到市中心一落車以為自己去咗廣州，批評韓劇中的畫面指拍得太好，現場簡直是「幻想破滅 」，更有網民指去韓國寧願近近日去深圳東門玩， 大讚車程又短，嘢食又平。

批評韓國｜02 紅葉季以外時間無嘢好睇

有網民就認為其實紅葉季節去韓國都不錯，不過其餘日子很少景點。雖然食物不錯，但食多幾日就開始厭，整體而言，去過一次就夠。

批評韓國｜03 無嘢玩

有網民就指出玩樂方面「麻麻地」 ，對遊客來說無咩特別好玩。

批評韓國｜04 嘢食難食

食物方面，網民批傳統韓國菜味道全部差不多，稱韓國的西餐更加好食！

網民：啲女去追星買衫化妝姐

不過亦有網民指韓國櫻花亦十分漂亮，唔使去日本「人逼人」，自駕遊又平又方便。亦有網民認為同個人興趣有關：「韓國本身玩嘅地方真係唔多，你對fashion、kpop嗰啲無興趣咪悶」、「啲女去追星買衫化妝姐」、「韓國價錢正常過香港好多倍」； 亦有網民指出其他地方更有特色：「嗰次住海雲台附近，一起身就係陽光與海，成個環境好舒服，嘢食相對無咁辣」、「不過幾鍾意濟州島」等。