東張｜愉景灣復活節獵蛋活動取消港媽炮轟1件事嬲過無得退錢「明顯係騙局」

愉景灣復活節東張西望獵蛋｜愉景灣復活節大獵蛋活動原定4月4日舉行，吸引大批家長帶同小朋友參加，雖然套票售價高達398元，但名額迅速爆滿。不過，獵蛋活動當日天文台發出黃色暴雨警告，主辦方宣布取消所有時段獵蛋活動，並表明不會延期及不會退款，僅提供禮物包及單程船票作補償，家長們對主辦方的處理手法極度不滿，更有小朋友當場流淚。部分家長更報東張爆料，令民憤升級。

港媽抱B報東張爆料

爆料家長李小姐抱著初生BB接受《東張西望》訪問，她向東張主持甘詠寧指購買了4月4日下午3時45分時段的套票，花費398元。主辦方在活動開始前約兩小時才通知取消，僅提供「禮物包」及一張單程船票與消費券作為補償。她認為這些補償對不常去愉景灣的家長來說毫無實際用處，更質疑主辦方為何不能提前通知。
另一位游太報東張表示，當天帶同7歲小朋友專程到達現場，才發現活動已被取消，原定有豐富大獎包括金蛋獎賞、酒店免費住宿及數千元禮券等全部落空。

小朋友禮物包差別大家長斥如垃圾

游太提供了禮物包的相片給《東張西望》，只是一些普通小零食、一件雨褸和一把雨傘，與宣傳時的承諾有極大落差。根據網上圖片顯示，有些家長禮物包內有十幾份小零食禮物，但有其他家長只有一件雨衣及一份零食。

此外，有其他家長在網上分享禮物包內容，表示：「我個禮物包入面得雨褸、膠掘扒同鏟、蒟蒻牛柏葉，其他乜都冇。」另有家長怒斥：「送垃圾比人，仲要人貼錢入來拿」，更有家長指出，主辦方要求他們特地前往中環碼頭領取三張單程船票再消費，認為完全不能接受這種補償方案。

主辦方早列名不會退款不改期

事實上，活動官方條款早已列明遇惡劣天氣取消不會退款、不設改期，不過游太表示2018年同樣遇到雷雨警告時，主辦方曾安排改期或順延，今次卻直接以「名額有限、先到先得」為由拒絕退款。

金蛋大獎捐慈善機構惹爭議：明顯係騙局

最令家長不滿的是，主辦方自行宣布會將原本準備好的所有「大獎」捐贈給慈善機構。游太直言「如果我哋家長要做善事，唔需要你代勞」，等同慷他人之慨，用家長支付的報名費去做善事提升形象，對付費參加活動的小朋友非常不公平。有其他家長留言炮轟「比錢參加活動，無得玩仲要被逼做埋慈善」、「仲要話獎品送比慈善機構，就大晒咩？大家比錢買飛，你話抽獎抽左佢，都冇咁嬲。」、「金蛋大獎本身就會係參加者會拎到，而家取消左你就自己決定捐俾慈善機構，有無問過參加者同唔同意啊？明顯係騙局！」

網民反應兩極有人同情有人指責「兒童節變愚人節」

事件在網上引起熱烈討論，有家長表示「去外遊都冇咁嬲」、「兒童節搞到愚人節咁」、「小朋友一個月前滿心期待今日入黎玩尋蛋，入到黎先知取消，小朋友家長們都好失落！咁大間公司都唔識有backup plan，好失望！」更有家長心痛地指小朋友即場落淚：「今日兩個小朋友聽到冇得玩都即場流眼淚，慘慘，唔係扭計喊果種，係雙眼通紅眼淚汪汪咁。見到自己小朋友咁樣，我都心痛。」、「身為家長極失望，由小朋友出生已經想她體驗這活動，希望她童年有更多美好回憶，還有作為彌補自己小時候沒有的遺憾，由當初買到門票已經很期待(無錯，我大人比小朋友更期待)，但今日對主辦單位的操作真是極度不滿同無言，決定活動是否進行的時機極差，令人無所適從，補償方式極無誠意，甚至是令人覺得噁心，可以說用錢買氣自己受」、「著好哂衫滿心歡喜出發！點知無的玩🥲小朋友好唔開心！咁大型活動，預備個室內playground 做後備都要喇！仲要第一post就聲明不補期不退錢！無良心！」

有家長希望主辦方改期舉行獵蛋活動

部分家長仍希望主辦方考慮改期，「其實搵個weekend private day俾返今日既小朋友玩返，咪大家都開心囉。今日兩個小朋友聽到冇得玩都即場流眼淚，慘慘😢唔係扭計喊果種，係雙眼通紅眼淚汪汪咁。見到自己小朋友咁樣。我都心痛大會蝕錢都係蝕一次，聲譽係恆久」、「我同小朋友淨係想掘蛋，唔係想要呢d安排，不如你改期啦」。