女孩子的姨媽最愛突然到訪,經常令人措手不及!早前有港女去Staycation前夕撞正姨媽到,但男友只想到會影響兩人的「運動」,竟訛稱「飲水姨媽會快啲走」,令她忍不住上網大力抱怨男友「成日都用下半身諗嘢」!

港女怨男友為去Staycation做運動 講「飲水姨媽會快啲走」

香港土地問題好嚴重,不少情侶都鍾意Book個Staycation去酒店抒發情懷、做下二人運動,然而去Staycation撞正女性月事,實在是無可奈何、無法避免。點知最近有港女就在香港討論區分享男友的極品垃圾建議,真係冇得頂!

飲水姨媽會快啲走 男友預約Staycation,撞正女友月事來臨,得知後大感失望。
男友預約Staycation,撞正女友月事來臨,得知後大感失望。(圖片來源:Unsplash@mokshajain)

原來臨近Staycation,男友一聽到港女「姨媽到」,即刻頭耷耷好失望。等到出發去酒店前一晚,男友忽然提議港女「飲多啲水」,話自己上網見到「飲水姨媽會快啲走」,講到似層層咁,似乎好心急想趕走姨媽啵!

飲水姨媽會快啲走 有網站稱飲水有助趕走大姨媽,網民翻查發現原文無提供資料來源,且說法無根據,實在不可信。
有網站稱飲水有助趕走大姨媽,網民翻查發現原文無提供資料來源,且說法無根據,實在不可信。(圖片來源:香港討論區)

飲水能否趕走「姨媽」實在無從得知,不過港女秒速火滾就似乎是意料之內,於貼文一次過鬧晒全部男人:「點解啲男人為咗想要,可以諗呢啲咁嘅屎橋啊」,仲話「我唔想(做二人運動)嘅,即使姨媽喺唔喺度都唔會想」,向男友要求果斷落閘!

飲水姨媽會快啲走 俗語話飲水能醫百病,似乎並不適用於女性月事。
俗語話飲水能醫百病,似乎並不適用於女性月事。(圖片來源:Unsplash@seitamaaphotography)

好多網民見到,都對港女男友的智商感到相當震驚,話「飲水姨媽會快啲走」的講法毫無科學根據,簡直「低能」。有網民插嘴話「衝紅燈又何妨」,不過要知道交通規則都有教,過馬路要睇燈,隨時有意外發生,大家真係要小心。

飲水姨媽會快啲走
(圖片來源:Unsplash@eliobedsuarez)

亦有網民認為「帶埋姨媽」去Staycation都無問題,其實吃喝玩樂,享受房間設施,好好休閒一下都已經為返本。

圖片來源:Unsplash、香港討論區