張德蘭深圳試衫意外跌倒
張德蘭在深圳進行演唱會試衫工作時發生意外，她在社交平台小紅書拍片交代詳情，透露當時未察覺尚有一級樓梯而差錯腳跌倒。張德蘭憶述當時情況：
「我冇留意原來有級，咁我就照行，咁樣一級，點知一級落咗去。因為今日著得靚啲呀，著咗高高踭鞋，咁樣一仆嘅時候呢，我就呢邊跌落去。」
她的左膊先撞落地下，即感到痛楚非常，丈夫楊偉誠立即安排太太坐車回港就醫。經檢查後確診左邊膊頭裂骨兼甩骹，需要留院接受小手術。
楊偉誠心痛妻子 醫生指復原需3至4星期
丈夫楊偉誠透露妻子張德蘭的傷勢情況，他表示：「醫生話復骹手術係小手術，目前預計都要3、4星期，左手可以小郁動，希望唔會對演唱會太大影響，不過見到太太痛到入心，我都好心痛，大前提就係佢康復為先。」
資深傳媒人楊紹鴻上載張德蘭的入院相並透露：「德蘭多謝大家嘅問候，昨晚佢已經做咗一個小手術，原則上冇乜大礙，只不過隻手暫時不能過分郁動，大約一個月後就會冇事，所以唔會影響佢嘅演唱會，各位唔需要擔心。」
張德蘭淡出幕前入讀浸大成註冊中醫
現年66歲張德蘭童星出身，在1988年結婚後就與TVB解約，全面淡出幕前，其後更報讀香港浸會大學中醫藥學院，於2002年正式成為一名註冊中醫，此後不時以中醫師身份在社交平台分享健康資訊及保養心得。
張德蘭堅持演唱會如期舉行
張德蘭為慶祝入行60周年，將於5月30日在紅館首度舉行《相識是緣份張德蘭演唱會》，她連日來一直為演唱會進行密集籌備工作。她目前最擔心意外影響個唱進度，她忍住痛楚表示：「原本要試衫和排舞，今日未能完成工作任務，要向各主辦方講聲抱歉。」她抱歉表示：「真係好對唔住大家，今日一心嚟做嘅嘢都完成唔到，竟然要去睇醫生，真係。」不過她堅定地說：「小小的意外使我更有鬥志把演唱會做到最好。永遠向前，永不停步，雖然遇到意外，仍會堅持把演唱會做到最好，報答大家！」
主辦方以張德蘭健康為首要 網民祝福早日康復
主辦方得悉張德蘭受傷消息後，立即表示一切以德蘭健康為首要考慮，會配合她的康復進度作出相應安排，並安慰張德蘭今次吉人天相，其他事情不用擔心。網民得知消息後紛紛留言關心，有人表示：「德蘭姐要好好休息，健康最重要！」亦有粉絲鼓勵：「支持德蘭姐，相信你一定可以克服困難！」不少人都希望她能早日康復，順利完成這場別具意義的60周年演唱會。
