情侶搭巴士無連位 港女極不滿：成功拆散情侶冇得一齊坐
日前有網民於Facebook群組「香港單身狗關注組」發文，發文同時上載了一張IG story截圖。 影相的港女當時與男朋友一同於一個巴士總站上巴士，但因為乘客眾多，而且沒有相連座位，因此兩人只可以一前一後坐。但她對此極度不滿，便在乘搭巴士時拍下一張與男友一前一後坐，男友右手往後拖著她的照片，並寫到：
真係唔太明啲人坐巴士個心態
總站上車
自己一個人又要坐雙人位
成層雙人位都係一個人
然後最後都係要同陌生人坐
但係就成功拆散情侶冇得一齊坐
網民反問：我坐邊仲要問過你？
港女的IG story引起了過1,000網民熱議，不少人都認為港女的想法過於自私，各位乘客都是付出相同的車資，應享有同樣的權利，而不是搭程車還要看其他人的面色：「你估我好想同人坐咩」、「唔通周圍空我一開頭仲去搵個陌生人一齊坐？」、「坐巴士仲要顧埋人哋感受，人生好難啊」、「情侶大L晒？咪等下架囉」、「曲線話緊條仔無錢搞到要坐巴士啫」、「我坐單人坐雙人位嘅心態擺明就係拆散情侶」「有得俾你兩個都坐外面咪好囉，再嘈全部都坐外面一格（指走廊地板）」。亦有人勸港女逆地而處，將心比心：
如果妳一個人坐車，全車大量空位，突然有個麻甩佬周圍都唔坐，坐妳隔離。佢唔係因為妳正，係想留翻啲位俾情侶或帶小朋友嘅家長，妳又會出咩post呢？
同時也有網民想反問港女，「乜巴士有單人位咩？」結果就有網民搞笑回覆到：「有，輪椅個車位係單拖」、「揸巴士嗰個位囉」。另外亦有網民為這位港女提供解決方法：「下次搵個買得起車嘅男朋友嘛」、「真係唔明情侶點解唔坐大髀，想做連體嬰就坐大髀丫嘛！」
