火爆阿叔巴士罵戰影片曝光 開大喇叭播歌被乘客投訴
「巴士阿叔」類型的影片總會「定期更新」，每隔一排就會有新的巴士阿叔因為不同大小事，而在巴士上與其他乘客或司機引發罵戰。日前，一條最新一代巴士阿叔的影片就在網上瘋傳，影片全長約2分45秒，可見一位身穿T恤短褲的大叔疑似因為在巴士上層大聲開喇叭播歌，引起其他乘客不滿，最後更開展連番罵戰。
不滿被乘客指控 雙方大聲對罵：你先影衰晒中國人
涉事巴士阿叔在巴士上層大聲播歌，其他乘客因對其行為感到不滿而出言指責，要求他關掉手機喇叭，有乘客指出「成架車都喺度話緊你」、「你唔好咁厚面皮啦」、「你唔好影衰晒啲中國人得唔得啊你」，惟大叔不但未有理會，更即時反擊「你先影衰晒中國人」、「收X啦你！我唔驚你，使鬼驚你啊，收X啦你，發神經㗎你」。雖然其他乘客其後亦加入戰團，但大叔卻繼續堅持己見，更揚言「咩啊？報警囉！我真係報警㗎話畀你聽，報警㗎，成架車唔好行啊！真係short short哋嘅，我話畀你聽，我唔係好大聲」、「我有權聽歌！」
司機1句KO 網民力撐：係要俾人鬧先安樂
大叔隨後又指自己的行為不是騷擾，反罵其他乘客「唔講道理」，更揚言「道理你唔夠我講得勁，講道理肯定勁過你，香港我住咗三十幾年，講道理你唔夠我勁。」眼見對罵聲不絕，終引來下層的巴士司機注意，片中最後疑似巴士司機向樓上高呼「好喇先生，唔好嘈喇」，場面才逐漸回復平靜。影片引起網民熱議，大批網民力撐乘客及司機的行為，狠批大叔行為自私，直指眾人「鬧得好」、「係要俾人鬧先安樂」，更有人建議「大家拎部電話嚟一齊喺佢耳邊畀佢聽」！
